Cingcau
| Tangkal Camcauh | |
|---|---|
| |
| Klasifikasi ilmiah | |
| Karajaan: | |
| Kelas: | |
| Ordo: | |
| Kulawarga: | |
| Génus: | |
| Spésiés: | Cyclea barbata Miers
|
Cingcau (Cyclea barbata) atawa Camcauh mangrupa tutuwuhan nu mangrupa areuy anu daunna lamun dirames dibauran cai saeutik engkéna sok ngagibleg saperti ager éncér.[1] Ilaharna sok diolah jadi inuman nyaéta és cingcau, biasana dina waktu buka puasa lantaraan tiis.[1] Camcauh aya anu dahanna paranjang saperti areuy daunna karandel jeung rada rubak.[1] Camcauh téh aya dua rupa nyaéta Camcauh Hideung jeung Camcauh Héjo.[2] Produksi camcauh lolobana di Indonésia persisna di Sumarorong, Sulawesi Barat.[2][3]
Sajarah
éditTutuwuhan ieu asalna ti Asia, tuluy sumebar ka India, Birma, Indocina, Philipina, nepi ka Indonésia.[2] Tutuwuhan ieu alusna dipelak di daerah anu miboga kaluhuran taneuhna kira-kira 75 – 2300 m di luhureun permukaan laut.[2] Daérah Sumarorong, Sulawesi Barat mangrupa salah sahiji tempat anu alus pikeun tutuwuhan ieu ku sabab miboga iklim cuaca anu tiis jeung curah hujan anu cukup.[2] Tutuwuhan ieu geus diproduksi jadi cingcau bubuk anu leuwih loba diekspor ka luar negeri.[2]
Etimologi Cingcau
éditKecap "cingcau" aslna tina dialék HokkianSienchau (Hanzi: 仙草, pinyin: xiancao) anu dipaké di kalangan Tionghoa di Asia Tenggara.[4]
Kandungan gizi
éditNutrisi anu aya dina 100 g Cingcau nyaéta :
Ènérgi 122 kkal [2]
Protéin 6 g [2]
Lemak 1 g [2]
Karbohidrat 26 g [2]
Kalsium 100 mg [2]
Fosfor 100 mg [2]
Zat besi 3.3 mg [2]
Vitamin A 10.750 SI [2]
Vitamin B1 80 mh [2]
Vitamin C 17 mg [2]
Serat 6.23 g [2]
Mangpaat
édit- Loba ngandung mineral utamana kalsium jeung fosfor.[4]
- Alus pikeun ngaleutikeun awak ku sabab kandungan kalorina saeutik.[4]
- Bisa nyagerkeun panas beuteung, sembelit, bungkak beuteung, demam jeung diaré.[4]
- Loba kandungan serat, mangpaatna pikeun ngabersihkeun organ pencernaan tina zat Karsinogen nu nyababkeun kanker.[4]
- Ngandung senyawa dimetil kurin-1 dimetoidida anu gunana pikeun ngaleuleuskeun otot-otot anu tegang.[4]
- Ngandung senyawa Isokandrodendrin anu dipercaya bisa nyingkahan sél tumor ganas.[4]
- Ngandung alkaloid bisbenzilsokuinolin jeung S,S-tetandrin anu hasiatna nyingkahan kanker ginjal, antiradang jeung nurunkeun darah tinggi.[4]
Rujukan
édit- ↑ a b c Danadibrata,R.A.(2006).Kamus Basa Sunda.Bandung: Kiblat Buku Utama.
- ↑ a b c d e f g h i j k l m n o p q CINCAU HITAM, MUDAH DIDAPAT,MURAH, BERKHASIAT DAN, MENGUNTUNGKAN[tumbu nonaktif] (Dicutat tanggal 20 Oktober 2011)
- ↑ Damayanti, Dewi; Agung Sugiarto, Tinton Dwi Putra, Novi Widianti, Nina Wulan Dari (2008). Buku Pintar Tanaman Obat: 431 jenis tanaman penggempur aneka penyakit. Jakarta: AgroMedia. p. 103. ISBN 9789790061941.
- ↑ a b c d e f g h Manfaat Cincau Archived 2011-11-29 di Wayback Machine (Dicutat tanggal 21 Oktober 2011)