Asam dokosahéksaénoat

Asam dokosahéksaénoat

Wangun kimia asam dokosahéksaénoat nunjukkeun kasapukan panomeran pisiologis (beureum) jeung kimia (bulao).
Ngaran kimia	Asam (4Z,7Z,10Z,13Z,16Z,19Z)-dokosa- 4,7,10,13,16,19-héksaénoat
Rumus kimia	C₂₂H₃₂O₂.
Massa molekul	328.488 g/mol
Nomer CAS	[?]
PubChem	445580
SMILES	CCC=CCC=CCC=CCC=CCC=CCC=CCCC(=O)O
Bantahan & rujukan

Asam dokosahéksaénoat (docosahexaenoic acid, katelah DHA; asam 22:6(ω-3), all-cis-dokosa-4,7,10,13,16,19-héksaénoat; landihan cervonic acid) téh asam lemak ésénsial oméga-3. Sacara kimia, DHA téh kaasup asam karboksilat nu boga ranté 22-karbon jeung genep beungkeut ganda cis; beungkeut ganda nu mimiti aya dina karbon katilu ti tungtung oméga.

DHA loba dikandung dina minyak ikan, nu asalna ti mikroalga genus Schizochytrium nu diakumulasi tina ranté dahareun. Di industri, DHA diékstrak tina Crypthecodinium cohnii.^[1] Sacara métabolis, sato lolobana nyintésis DHA tina asam α-linolénat, asam lemak oméga-3 nu dikandung ku chia, flax, jeung rupa-rupa kakacangan & sisikian lianna.

DHA téh minangka asam lemak utama dina fosfolipid spérma jeung uteuk, sarta hususna rétina. Ayana DHA dina katuangan bisa ngurangan kadar trigliserida getih manusa, antukna bisa ngurangan résiko katarajang panyawat jantung. Kakurangan DHA bisa ngabalukarkeun kurangna kadar serotonin otak^[2] sarta dikaitkeun jeung ADHD, panyawat Alzheimer, jeung déprési.

Sintésis métabolik

Dina awak manusa, lian tina katuangan, DHA ogé diturunkeun tina asam éikosapéntaénoat (EPA, 20:5, ω-3) ngaliwatan asam dokosapéntaénoat (DPA, 22:5 ω-3) salaku antara. Mimitina EPA dipanjangan jadi DPA, terus diteukteuk ku Δ4-desaturase. Jalan lianna nyaéta ngaliwatan peroksisom jeung mitokondria. EPA dipanjangan jadi 24:5 ω-3, laju didésaturasi jadi 24:6 ω-3, anu teras dipondokan jadi DHA (22:6 ω-3) maké oksidasi béta. Jalan ieu katelahna Sprecher's shunt.^[3]^[4]

DHA dina panyawat Alzheimer

Danget ieu NIH nuju ngayakeun uji obat gedé-gedéan pikeun nguji pangaruh DHA kana panyawat Alzheimer.^[5] Ieu téh minangka uji munggaran DHA ka manusa, sedengkeun ka mencit transgenik mah geus kauji ngurangan plak jeung tau amiloid. Mun digabungkeun jeung asam arakidonat (asam lemak nu ogé aya dina minyak ikan), pangaruh DHA pikeun ngurangan plak téh ngurangan.

DHA nginhibisi karsinoma manusa di mencit

Panalungtikan di Universitas Névada ngeunaan pangaruh tambahan DHA tumuwuhna adéno karsinoma kolon manusa dina mencit nunjukkeun yén mencit anu narima tambahan DHA tina algae tumorna leuwih saeutik batan anu narima oméga-3 tina minyak ikan atawa oméga-6 tina minyak jagong.^[6]

DHA dina susu indung jeung susu formula

Kandungan DHA dina susu indung ilaharna antara 0,07% jeung 1,0% ti total asam lemak, rata-rata 0,34%, di antarana gumantung kana asupan lauk dina katuangan indungna.

Pikeun nambah ajén kandunganana, susu formula ogé kiwari loba nu ditambahan DHA. Produsén nu munggaran nambahkeun DHA (jeung ARA) kana susu formula téh Méad Johnson (2001), nu disatujuan ku Badan Pangawasan Ubar & Katuangan jeung Departemén Kaséhatan Kanada. Boh DHA atawa ARA disatujuan ku sabab duanana mémang aya dina susu indung manusa.

Rujukan

↑ Martek Biosciences Corporation (05 April 2007). "History of Martek". Diakses tanggal 10 Maret.
↑ Cambridge Applied Polymers Ltd. (04 April 2006). "Latest Publications on the Link between DHA and Intelligence / The Brain.". Diakses tanggal 4 April. Archived 13 Méi 2006 di Wayback Machine
↑ De Caterina, R and Basta, G (June 2001). "n-3 Fatty acids and the inflammatory response – biological background" (PDF). Diakses tanggal 10 Pébruari.
↑ Voss, M Reinhart, S Sankarappa and H Sprecher (September 1991). "The metabolism of 7,10,13,16,19-docosapentaenoic acid to 4,7,10,13,16,19-docosahexaenoic acid in rat liver is independent of a 4- desaturase" (PDF). Diakses tanggal 23 September.
↑ ."DHA Phase 3 trial in Alzheimer's disease.".
↑ ."Martek Biosciences's DHA Shown To Inhibit Human Colon Carcinoma In Mice.". Archived 2007-08-04 di Wayback Machine

Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.

[Martek-1] Martek Biosciences Corporation (05 April 2007). "History of Martek". Diakses tanggal 10 Maret.

[Cambridge-2] Cambridge Applied Polymers Ltd. (04 April 2006). "Latest Publications on the Link between DHA and Intelligence / The Brain.". Diakses tanggal 4 April. Archived 13 Méi 2006 di Wayback Machine

[DeCaterina-3] De Caterina, R and Basta, G (June 2001). "n-3 Fatty acids and the inflammatory response – biological background" (PDF). Diakses tanggal 10 Pébruari.

[Voss-4] Voss, M Reinhart, S Sankarappa and H Sprecher (September 1991). "The metabolism of 7,10,13,16,19-docosapentaenoic acid to 4,7,10,13,16,19-docosahexaenoic acid in rat liver is independent of a 4- desaturase" (PDF). Diakses tanggal 23 September.

[5] ."DHA Phase 3 trial in Alzheimer's disease.".

[6] ."Martek Biosciences's DHA Shown To Inhibit Human Colon Carcinoma In Mice.". Archived 2007-08-04 di Wayback Machine

[1]

[2]

[3]

[4]

[5]

[6]