Peroksisom

Peroksisom mangrupa organél sél eukariota nu pancénna pikeun méré sihan sél tina zat-zat racun; ku kituna ieu sél sumebar di salukiah jero sél. Mémbranna mangrupa hiji lapis ganda lipid nu misahkeun eusi 'beuteung'na ti sitosol (cairan jero sél) nu ngandung rupa-rupa protéin mémbran nu boga pancén penting pisan, kayaning ngimpor protéin jeung mantuan proliferasi. Teu kawas lisosom nu dibentuk dina jalur sékrétori, peroksisom mah bisa ngaréplikasi diri ku cara ngagedéan, terus meulah manéh, najan anu munggaran mah sigana dibentuk langsung. Peroksisom kapanggih ku ahli sitologi Bélgia Christian de Duve taun 1965.

Wangun dasar peroksisom

Pancén

Peroksisom ngandung énzim-énzim oksidatif, kayaning katalase, oksidase asam D-amino, jeung oksidase asam urat. Sababaraha énzim, ku ngagunakeun oksigén molekulér, bisa nyingkahkeun atom hidrogén ti substrat anu tangtu (dilabélan R) dina hiji réaksi oksidatif, antukna ngagasilkeun hidrogén peroksida (H₂O₂) anu toksik:

$\mathrm {RH} _{\mathrm {2} }+\mathrm {O} _{\mathrm {2} }\rightarrow \mathrm {R} +\mathrm {H} _{2}\mathrm {O} _{2}$

Katalase, énzim séjén di peroksisom, lajeng ngarobah H₂O₂ ieu pikeun ngoksidasi substrat séjén, kayaning fénol, asam format, formaldehid, jeung alkohol, ngagunakeun réaksi peroksidasi:

$\mathrm {H} _{2}\mathrm {O} _{2}+\mathrm {R'H} _{2}\rightarrow \mathrm {R'} +2\mathrm {H} _{2}\mathrm {O}$, nu ngaleungitkeun hidrogén peroksida nu ngabahyakeun.

Ieu réaksi penting pisan dina sél-sél ati jeung ginjal, nyaéta pikeun ngancurkeun rupa-rupa sanyawa toksik (detoksifikasi) nu asup kana getih. Ku cara di luhur, kira 25% étanol anu diinum ku urang dioksidasi jadi asetaldehida. Mun H₂O₂ ngagunduk di jero sél, katalase ngarobah ieu molekul jadi cai maké ngaliwatan réaksi

$2\mathrm {H} _{2}\mathrm {O} _{2}\rightarrow 2\mathrm {H} _{2}\mathrm {O} +\mathrm {O} _{2}$

Pancén utama peroksisom nyaéta pikeun ngarecah molekul-molekul asam lemak dina prosés nu katelah oksidasi-béta. Dina ieu prosés, asam lemak direcah sarta dirobah jadi Asetil-KoA, nu lajeng dipulangkeun deui ka sitosol pikeun guna séjénna. Dina sél-sél sato, oksidasi-béta bisa ogé lumangsung di mitokondria, sedengkeun dina kapang jeung tutuwuhan mah hususon di peroksisom.

Kakurangan

Cacad peroksisom bisa ngabalukarkeun gangguan kana métabolisme lipid, di antarana sindrom Zellweger.

Tumbu kaluar

• Peroxisome-Database

Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.