Dapros

Dapros nyaéta salah sahiji kadaharan anu dijieun tina parud sampeu atawa tipung béas. Wangunna siga kembang nu ligar, warna-warni, jeung ngarangkadak beukah. Matak pantes, sok aya nu nyebut kembang goyang atawa saroja. Cara nyieunna adonan tina bahan utama dicampur jeung bungbu sapuratina kaasup warna keur ngahudang rasa nu ngadaharna, tuluy geus galo diwangun ligar jiga kembang maké citakan husus. Sanggeus kitu, tuluy dipoé nepi ka garing. Lamun geus garing mah tuluy digoréng nepi ka asak.