Facebook nyaéta ramatloka jaringan sosial anu dipedalkeun dina 4 Pebruari 2004 sarta diadegkeun ku Mark Zuckerberg, saurang lulusan Harvard. Kaanggotaanana mimitina diwatesan keur para siswa Harvard College. Dua bulan saterusna, kaanggotaanana dilegaan ngawengku sakola séjén di wewengkon Boston (Boston College, Boston University, MIT, Tufts), Rochester, Stanford, NYU, Northwestern, sarta kabéh sakola anu jadi anggota Ivy League. Satuluyna, loba paguron luhur séjén anu diasupkeun jadi anggota dina mangsa sataun sanggeus diadegkeunana ramat loka ieu. Pamustunganana, jalma-jalma anu mibanda alamat surat éléktronik atawa email sahiji universitas (kawas .edu, .ac.uk, dll) ti sakumna dunya bisa ogé ngagabung jeung ramat loka ieu.
facebook.svg){kind=logo} Logo Facebook | |
| URL | facebook |
|---|---|
| Komérsial? | Nuhun |
| Régistrasi | Meunang milih |
| Bahasa | International |
Saterusna, ieu ramat loka dimekarkeun nepi ka ngawengku ogé sakola-sakola tingkat luhur sarta sawatara pausahaan badag. Saprak 11 Séptémber 2006, jelema nu boga email naon waé bisa ngadaptar pikeun jadi anggota Facebook. Pamaké bisa milih pikeun ngagabung jeung hiji atawa leuwih ramat loka anu sadia, kawas ramat loka nu dumasar kana sakola tingkat luhur, tempat gawé, atawa wewengkon géografis.
Nepi ka bulan Juli 2007, ramat loka ieu mibanda jumlah pamaké panglobana ti antara ramat-ramat loka jaringan sosial lianna kalayan leuwih ti 34 juta anggota aktip anu boga tumbu kana éta website ti sakuliah dunya. Ti bulan Séptémber 2006 nepi ka bulan Séptember 2007, réngkingna naék ti posisi ka-60 ka posisi ka-7 ti antara ramat loka anu panglobana didatangan, sarta mangrupa ramat loka nomer hiji pikeun poto di Amérika Sarikat, ngungkulan loka umum séjénna kawas Flickr, kalayan 8,5 juta poto nu dimuat saban poéna.
Rujukan
éditTumbu ka luar
édit- (en) Facebook
- (en) Blog resmi Facebook
- (en) Platform Facebook
- Facebook dina basa Sunda
- (en) Facebook Sunda pikeun Mozilla Firefox
- (id) Facebook Sunda pikeun Google Chrome[tumbu nonaktif]
- (en) With friends like this... - The ugly truth about the founders of Facebook In The Guardian, 14.01.2008
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |