960 – Zhao Kuangyin diistrénan jadi Kaésar Taizu ti Dinasti Song, ngamimitian kakawasaan Dinasti Song di Tionghoa nu bakal lumangsung leuwih ti tilu abad.
1703 – di Édo (kiwari Tokyo), iwal ti saurang tina sakabéh opat puluh tujuh Ronin ngalakukeun seppuku (ritual maéhan manéh samurai Jepang) minangka gaganti hukuman alatan geus mangmaleskeun pati pikeun guruna.
1789 – George Washington sacara buleud kapilih jadi présidén AS, hasil tina itungan Badan Pamilihan Umun AS.
1797 – Lindu Riobamba narajang Ékuador, ngabalukarkeun korban jiwa leuwih ti 40.000 urang.
1820 – Angkatan Laut Chili dina pingpinan Lord Cochrane, sanggeus salila dua poé, hasil ngarebut Valdivia ti Spanyol, cukup ku 300 jalma jeung dua kapal perang.
1945 – Perang Dunia II: Tentara Inggris India jeung Tentara Karajaan Jepang ngamimitian sarangkéyan patempuran nu nelah ku Patempuran Pokoku jeung Operasi Leuwi Irrawaddy.
1948 – Séylon (nu jagana ganti ngaran jadi Sri Langka) merdéka dina sajeroeun Pasamakmuran Inggris.
1974 – IRA ngabeledugkeun bom dina jero beus nu mawa pérsonél Pasukan Angkatan Perang Inggris nu keur di luar tugas di jalan tol M62 di Yorkshire, Inggris. Salapan soldadu jeung tilu urang sipil palastra.
1975 – Lini 7,3 SR lumangsung di Haicheng, Liaoning, China. Korban palastra leuwih ti dua rébu jalma.
1992 – Hugo Chávez mingpin hiji kudéta ngalawan Présidén Vénezuela Carlos Andrés Pérez.
1997 – Nalika rék ngajugjug ka Libanon, dua hélikopter pangangkut pasukan Sikorsky CH-53 Israél diadu di jomantara di luhureun Galilee kalér, Israél, nelasan 73 jalma.
1998 – Lini 5,9 Mw Afghanistan ngeundeuk-ngeundeuk Propinsi Takhar. Korban maot 2.323 urang, tatu 818 urang.
1999 – Saurang imigran Afrika Kulon, Amadou Diallo ditémbak 41 kali ku opat pulisi Kota New York nu maké pakéan préman dina hiji panyalidikan nu teu aya patula-patalina, manaskeun hubungan antara ras di kota éta.
2000 – Piagem Paris, Pasamoan Dunia Ngalawanan Kankér dina Milénial Anyar, ditaréken ku Présidén Perancis Jacques Chirac jeung Direktur Jénderal UNESCO, Koichiro Matsuura, ngamimItian Poé Kankér Dunia nu lumangsung dina tanggal 4 Pébruari uanggal taun.
2003 – Républik Féderal Yugoslavia ngadopsi hiji konstitusi anyar, jadi nagara konféderasi logor antara Montenegro jeung Sérbia.
