Hoobastank nyaéta grup musik rock alternatip asal Amerika anu dibentuk taun 1994[1]. Personil Hoobastank ayeuna nyaéta Doub Robb (vokal), Dan Estrin (gitar) jeung Chris Hesse (drum)[1]. Anapon Mark Lappalainen nyaéta mantan anggota ieu grup musik anu kaluar taun 2005[2]. Sababaraha taun ka hareupna, Hoobastank sok mangung di Daérah California kidul[2]. Karir awal Hoobastank meunang loba kritikan, salah sahijina nyaéta datang ti Radio Wowing anu nyebutkeun yén lagu-lagu Hoobastank mah derivative jeung céngéng[2].

Personil Hoobastank baheula

Diskografi édit

Debut awal ieu grup musik dirilis taun 1997 kalayan judul MUFFINS[1]. Tapi geuningan album MUFFINS bisa disebut album gagal, kitu ogé album THEY SURE DON'T MAKE BASKETBALL SHORTS LIKE THEY USED TO (1998) jeung FORWARD (2000)[1]. Tapi kaayan robah sanggeus Hoobastank ngarilis album kaopatna anu dijudulan HOOBASTANK (label rekaman: Island Records)[1]. Ieu album bisa ditarima ku halayak, malah mah meunang dua platinum[1]. Taun 2002, Hoobastank ngarilis album THE TARGET, tapi henteu sasuksés album kaopatna[1]. Tapi ieu hal langsung ditebus ku album THE REASON anu dirilis taun 2003 kalayan lagu andalan The Reason, Crawling in the Dark jeung Running Away[1]. Album EVERY MAN FOR HIMSELF anu dirilis taun 2006 dilélér Gold Medal[1]. Pamungkas, nyaéta album FOR(N)EVER anu dirilis taun 2008 kalayan lagu andalan My Turn, ieu album asup ka posisi 7 Billboard Top Rock Album di Awal-awal rilisna[1].

Référénsi édit

  1. a b c d e f g h i j Hoobastank-Kapanlagi.com (diaksés tanggal 4 Nopémber 2011)
  2. a b c (en)Biografi Hoobastank[tumbu nonaktif] (diaksés tanggal 4 Nopémber 2011)