Antanan: Béda antarrépisi

'''Antanan''' (''Centella asiatica'') nyaéta jinis tutuwuhan "liar" anu réa tumuwuh di pakebonan, huma, sisi jalan, galengan sawah atawa di huma nu rada baseuh.<ref name=”Priyadi”/> Tuwuhan ieu asalna ti wewengkon Asia tropis, sumebar di [[Asia Tenggara]], kaasup [[Indonésia]], [[India]], [[Republik Rakyat Cina]], [[Jepang]] jeung [[Australia]] satuluyna sumebar ka nagara-nagara séjén.<ref name=”Priyadi”>{{Cite book | title = Five Hundred Plant Species in Gunung Halimun Salak National Park, West Java: A Checklist Including Sundanese Names, Distribution, and Use| last = Hari Priyadi, Gen Takao, Irma Rahmawati, Bambang Supriyanto, Wim Ikbal Nursal, Ismail Rahman| first =Priyadi | publisher =CIFOR | location =Bogor| year =2010|ISBN=9786028693226 |pages = 1}}</ref>

Saprak jaman baheula, antanan geus dipaké pikeun [[ubar]] kulit, gangguan saraf sarta ngabenerkeun sirkulasi [[getih]]. Masarakat Sunda [[Jawa Kulon]] mikawanoh tutuwuhan ieu minangka salah sahiji pepelakan pikeun [[lalab]].<ref name=”Priyadi”/>

Tuwuhan ieu disebut pegaga (Acéh), daun kaki kuda (Malayu), gagan-gagan, rendeng (Jawa), taidah (Bali) sandanan (Irian), broken copper coin, buabok (Inggris), paardevoet (Walanda), gotu kola (India), ji xue cao ([[Hanzi]]).<ref name=”Priyadi”/>

Antanan mangrupa tutuwuhan ubar taunan anu tumuwuh ngarambat sarta kembangan sapanjang taun. Jinis antanan anu réa katimu nyaéta antanan beureum jeung antanan héjo. Antanan beureum dipikawanoh ogé ku sebutan antanan kebon atawa antanan batu alatan réa kapanggih di wewengkon nu loba batuna, garing sarta negrak. Antanan beureum tumuwuh ngarambat ku [[stolon]] sarta henteu miboga [[tangkal]], tapi miboga [[rhizoma]]. Sedengkeun antanan héjo mindeng réa katimu di wewengkon pasawahan sarta disela-sela jukut. Tempat anu dipikaresep ku antanan héjo nyaéta tempat nu rada beueus sarta negrak atawa rada kaiuhan. Sajaba ti éta, aya opat tuwuhan nu mirupa antanan nyaéta antanan kembang, antanan beurit, antanan gunung sarta antanan cai.<ref name=”Priyadi”/>

Antanan Centella Herba mibanda kandungan ''asiaticoside, thankuniside, isothankuniside, madecassoside, brahmoside, brahmic acid, brahminoside, madasiatic acid, meso-inositol, centelloside, carotenoids, hydrocotylin, vellarine'', tanin sarta garam mineral kawas kalium, natrium, magnésium, kalsium sarta beusi. Glikosida ''triterpenoida'' anu disebut ''asiaticoside'' dianggap mangrupa antilépra sarta ubar tatu anu pohara ampuh. Zat ''vellarine'' anu dikandung ngahasilkeun rasa pait.<ref name=”Priyadi”/>