'''Pupujian''' nyaéta puisi buhun anu eusina nyoko kana ajaran agama [[Islam]]. Pupujian asalna tina sa'ir, nyaéta puisi anu asalna tina [[sastra]] [[Arab]]. Ku lantaran kitu, pupujian mah wangunna téh méh tayaeuweuh bédana jeung [[sa'ir]], diwangun ku opat padalisan dina sapadana, sarta unggal padalisanna diwangun ku dalapan [[engang]]. Tapi sanajan kitu, aya ogé anu diwangun ku dua padalisan, genep padalisan, dalapan padalisan dina sapadana. [[Purwakanti]] anu aya dina pupujian umumna [[Purwakanti|purwakanti laras wekas]].<ref name=":0">{{Cite book|title=Kamus Istilah Tata Basa jeung Sastra Sunda|last=|first=Drs. Budi Rahayu Tamsyah, spk.|publisher=Pusaka Setia|year=2019|isbn=|location=Bandung|pages=}}</ref> Leuwih jéntréna pupujian téh asal kecapna tina ''puji'' nu ngalaman dirajék [[dwipurwa]] ditambahan rarangkén tukang ''-an'', nu hartina kecap-kecap atawa ucapan pikeun ngagungkeun nu maha kawasa, lian ti éta aya ogé nu eusina muji ka Rosul-NaRosulluloh Muhammad Saw.<ref name=":0" />
