Imah Adat Penjalin
Imah Adat Penjalin nyaéta imah adat nu aya di désa Panjalin Kidul, Kacamatan Sumberjaya, Kabupatén Majaléngka.[1] Sacara astronomis imah adat ieu aya di koordinat 6º41’51” LS dan 108º21’25” BT.[2] Imah Adat Penjalin mangrupa bukti sajarah atawa objek wisata budaya ti Raja Sanata.[1] Manéhna nyaéta katurunan ti Talaga nu keur guguru di pondok pasantrén Pager Gunung, deukeut Kampung Panjalin.[2] Raden Sanéh nikah jeung Seruniyang nyaéta anak ti sesepuh Kampung Panjalin, nyaéta Raja Syahrani.[2] Raja Syahrani na sorangan mangrupa katurunan ti Cirebon nu cicing, hirup, jeung maot di Panjalin.[2] Di tempat ieu manéhna nyebarkeun ajaran agama islam.[2] Imah Adat ieu hampir sarua jeung imah adat Minahasa.[1] Imah adat ieu baheulana dingaranan alas panjalin nu hartina hutan rotan.[1]
Imah Adat Penjalin ieu mangrupa imah panggung nu miboga 16 tiang panyoko tina kai, ukuranna 9 x 9 m, léga na kira-kira 172 m2.[2] Imah adat ieu dibagi jadi dua bagian, nyaéta ruang hareup jeung ruang tengah.[2] Kadua bagian ieu diwatesan ku tembok nu dijieun tina kai nu dilengkepan maké panto.[2] Imah adat ieu ngan boga hiji panto nu aya di gigir timur bagian hareup imah, sangkan bisa ngahontal panto kudu maké tarajé.[2] Tembok imahna dijieun tina kai.[2] Di luhureun imahna aya hiasan-hiasan géometris.[2] Imah bagian tengahna maké bambu boh tembokna boh lantaina.[2]
Imah Adat Penjalin ieu geus hampir punah, ku lantaran leungitna benda-benda sajarah disababkeun ku kurangna perhatian ti pamaréntah.[1] Aksés ka imah adat ieu henteu hésé, tapi jalanna kurang alus jeung deui euweuh kandaraan umum pikeun ngahontal ka objek wisata budaya ieu.[1] Masih aya nu daratang ka imah adat ieu sanajan henteu loba teuing ogé, biasana unggal peuting jum'at aya pengunjung nu sok mareuting di dieu.[1] Pikeun bisa asup ka imah adat ieu teu ditangtuken sabaraha-sabarahana, saiklasna nu datang méré.[1]
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |