Justin Drew Bieber atawa leuwih dipikanyaho Justin Bieber, nyaéta penyanyi rumaja asal Kanada, lahir di Strartford, Ontario,Kanada, 1 Maret 1994.[1] Bieber mangrupa budak rumaja anu boga kaparigelan otodidak (drum, gitar, piano sarta tarompét) dina umur 15 taun, manéhna geus jadi fénomena di Youtube ngaliwatan pintonanna dina tembang-tembang ti artis-artis kawas Usher, Ne-yo sarta Stevie Wonder[2] Justin mangrupa budak ti pasangan Pattie Mallette sarta Jeremy Bieber nu nikah di umur nu ngora kénéh, tapi ahirna papisah pas Justin umur 2 taun.[3] Geus lain rusiah yén Justin mibanda kaparigelan pikeun maénkeun pakakas musik, tapi kabéh jelema kataji ku sora Justin saprak dina pasanggiri nembang di dayeuhna.[3]

Justin Drew Bieber
Justin Bieber
Justin Bieber
Gumelar1 Maret 1994
Strartford, Ontario, Kanada
KabangsaanKanada
Subjékpenyanyi

Karir édit

Dina umur 12 taun, Justin miluan pasanggiri nembang di dayeuhna, Stratford, sarta meunang jawara kadua.[1] Saprak harita manéhna nyimpen pintonanna sarta ngunjal di Youtube, pikeun babaturan anu teu sempet nempona témbangna. Dina sawatara vidéona, Justin mawakeun lagu-lagu sawatara penyanyi kahot kawas Usher, Justin Timberlake, Ne-yo, Chris Brown, sarta Stevie Wonder kalayan vérsina sorangan.[4] Teu lila, Usher sapuk ngorbitkeun Justien ngaliwatan label rékaman Island Record dina Oktober 2008. Pikeun leuwih alus karir musikna Bieber sarta indungna pindah ka Atlanta.[4] Albeum kahiji Bieber anu dirilis dina bulan Juli 2009, MY WORLD, meunang pangbagéa cukup hadé.[4] Hit single kahijina, ONE TIME, anu mintonkeun Usher minangka vocal guest nu nyicingan peringkat 20 dina daptar runtuyan tembang di Kanada sarta Amérika.[4] Single-single anu dirilis saterusna meunang pangbagéa teu éléh sohorna.[4] ONE LESS LONELY GIRL, LOVE ME, sarta FAVORITE GIRL, nyicingan peringkat 40 Hot Bilboard.[4] MY WORLD ogé meunang Platinum sarta Golden di Amérika sarta Kanada.[4] Pikeun ngapromosikeun albeumna, Bieber ngalakonan sauntuyan pintonan penting. Waktu Natal 2009, Bieber aya di Gedong Bodas di hareupeun Présidén Barrack Obama sarta pamajikanana.[4] Bieber ogé aya di MTV sarta sawatara acara langsung séjén kawas Saturday Night Live sarta Kids Choice Awards. Sajaba nembang, Bieber ogé kungsi jadi présenter pikeun Grammy Awards ka-52. Prestasina dina dunya musik nyieun manéhna jadi penyanyi pop solo pangngorana anu sanggup mingpin musik jaman ayeuna.[4] Populéritas Justin sarta umurna anu masih rumaja nyieun Justien jadi béntang pariwara produk anti jerawat.[4] Produk ieu sorangan nyaéta produk anu cukup sohor di Amérika Sarikat, nyaéta Proactiv.[4] Sawatara béntang kahot kawas Kate Perry sarta Jessica Simpson nu kungsi jadi béntang pariwara saméméh Justin. Dina MTV VMA 2010, Justin meunangkeun nominasi The Best New Artist ngalawan Kesha.[4] Sajaba ti éta, dirina ogé baris ngeusian acara akbar ieu kalayan kolaborasi babarengan B.o.B. Justin ogé dikabarkan baris duét jeung Kanye West alatan kolaborasi anu maranéhanana dina lagu West anu dijudulan Runaway Love.[4] Dina ajang nu kasohor MTV VIDÉO MUSIC AWARDS 2010 anu diayakeun dina 12 Séptember 2010, Justin ngahontal pangajén minangka Best New Artist kalayan tembang babarenganna jeung Ludacris anu dijudulan Baby.

Rujukan édit

  1. a b (en) Biografi (Diakses tanggal 29 Oktober 2011)
  2. (en) [1] (Diakses tanggal 29 Oktober 2011)
  3. a b (en) Kulawarga Justin Bieber Archived 2011-10-30 di Wayback Machine (Diakses tanggal 29 Oktober 2011)
  4. a b c d e f g h i j k l m (en)Profil Justin Bieber di KapanLagi.com (Diakses tanggal 29 Oktober 2011)