Kalua
Kalua (manisan) nyaéta kadaharan olahan nu mibanda rasa amis, dijieun tina rupa-rupa bungbuahan aya ogé tina kulit jeruk nu diolah maké campuran gula kalawan hasilna jadi garing. [1]
Kalua ilaharna nunjul kana kalua jeruk (dijieun tina cangkang jeruk Bali), kalapa, jeung gedang.[1] Kalua didahar mangsa rinéh, dibarengan ku cai entéh atawa kopi.[1] Sabada dijieun kalua leuwih awét ditunda henteu gancang buruk dina waktu nu lumayan lila, kitu deui rasana béda pisan ti mimiti nu tadina kesed atawa pait, jadi amis kareueut tur ngeunah rasana.[2]
Di Bandung hususna di daérah Ciwidéy, kalua téh loba nu ngadagangkeun malahan kaasup jajanan oleh-oleh nu mandiri ti éta daérah.[3] Kalua nu didagangkeun di dieu dijieun tina kulit jeruk Bali, dina rasa jeung kelir geus di réka-réka aya nu beureum rasa strobéri, héjo rasa mandalika, jeung konéng rasa kadu.[3]
_05.jpg)
Cara nyieun kalua jeruk
édit- Jeruk Bali nu masih kénéh teuas (ngora) di pesék cangkangna
- Cangkangna nu masih héjo di pesék deui nepika leungit nu héjona, kari bobodasna
- Tuluy beresihan sarta dikeueum dina cai apu seureuh
- Kulit jeruk beunang ngeueum tuluy di teukteukan, gedéna kurang leuwih tilu ramo
- Tuluy godog dina cai gula (bisa gula beureum atawa gula bodas)
- Mangsa caina geus garing, geuwat dijait, saterusna dipoe heula
- Kalua geus siap dikonsumsi.
Dicutat tina
édit- ↑ a b c Makanan: Wujud, Variasi dan Fungsinya Serta Cara Penyajiannya Pada Orang. p. 160.
- ↑ a b disparbud. disparbud. http://www.disparbud.jabarprov.go.id/wisata/dest-det.php?id=705&lang=id Archived 2017-07-04 di Wayback Machine
- ↑ a b "Empat Ole-ole Ini Khas Ciwidey". Ayo Bandung. 2016-12-26. http://ayobandung.com/read/20151226/61/6023/empat-ole-ole-ini-khas-ciwidey
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |