Lémét
Lémét,[1] atawa spatula[2] nyaéta parabot dapur nu dipaké pikeun ngalimitan adonan anu cair, kintel atawa liket. Biasana mah lémét dijieun tina bahan palastik, karét, silikon atawa bahan séjén nu fléksibel. Lémét mibanda gagang minangka panyekelanna, sarta wangunna sabeulah melengkung sabeulahna deui lempeng. Fungsi lémét téh lian ti pikeun ngaduk sarta ngagalokeun adonan atawa bahan kaolahan nu cair, ogé pikeun ngimeutan adonan saupamana rék dipindahkeun ka tobas séjén.[3] Lantaran ieu lémét téh fléksibel, sahingga bisa nyurup kana bentuk wawadahan nu rek diimeutanna.
Di masarakat Sunda lémét utamana dipaké ku tukang pecel, kayaning loték, karédok, petis, kupat tahu jeung sajabana ti éta. Di dinya lémét miboga fungsi pikeun alat bantu ngagalokeun bahan-bahan pecel jeung sambelna (biasana sambel suuk), sarta pikeun mindahkeun pecel sarta sambelna nika imeut kana wadah séjén kayaning daun cau, kertas sangu atawa bubungkusan lianna.
Rujukan édit
- ↑ Unknown, Publicado por. "Tortell de Reis". Diakses tanggal 2019-06-30. Archived 2019-06-30 di Wayback Machine
- ↑ Cuina, Gadgets &. [https://www.gadgetscuina.com/ca/espatula-llengua-silicona-lekue-103.1001 "Esp�tula llengua silicona Lekue"]. Gadgets & Cuina. Diakses tanggal 2019-06-30.
- ↑ "Lengua pastelera Zwilling J.A. Henckels, silicona, ref: 37610-000". Naifuji (dalam es-ES). Diakses tanggal 2019-06-30. Archived 2019-06-30 di Wayback Machine