Laleur

Laleur
Klasifikasi ilmiah
Karajaan:	Animalia
Filum:	Artropoda
Kelas:	Insecta
Subkelas:	Pterygota
Infrakelas:	Neoptera
Superordo:	Endopterygota
Ordo:	Diptera; Linnaeus, 1758
Suborders
	Nematocera (kaasup Eudiptera); Brachycera

Laleur téh hartina spésiés serangga naon baé nu kaasup Ordo Diptera. Cirina nyaéta boga jangjang sapasang. Laleur mah geus dalit pisan jeung kahirupan manusa, di antarana aya nu bisa ngabalukarkeun kasakit parna.

Hirup laleur gumantung pisan kana panénjona. Panon majemukna diwangun ku rébuan lénsa nu sénsitip pisan kana gerakan. Malah aya di antarana nu boga panénjo 3D nu akurat pisan. Aya sababaraha laleur, misalna Ormia ochracea, mibanda organ pangrungu nu alus. Nu jadi kadaharan laleur téh rupa-rupa, gumantung ka spésiésna. Laleur-kuda sok ngagembrong tatu mangsana pikeun nyeuseup cairanana, sedengkeun laleur imah ngahakan cairan tina dahareun nu geus diciduhan (ngandung énzim) ku manéhna.

Bilatung

Empis tesselata

Daur hirup laleur diwangun ku opat hambalan: endog, larva (bilatung), pupa, jeung sawawa. Endogna diteundeun dina daging buruk, bangké sasatoan, atawa na cai nu ngeuyeumbeu - naon baé nu loba ngandung hakaneun pikeun bilatungna. Ukuran bilatung laleur imah kira 9,5-19,1 mm. Dina usum panas, sagenerasi laleur (ti endog nepi ka sawawa) bisa dihasilkeun dina jangka 12-14 poé.

Sababaraha tipeu bilatung nu sok kapanggih ngagimbung bisa dipaké pikeun kaperluan forénsik. Ku nilik hambalan hirupna, bilatung ieu bisa dipaké pikeun nangtukeun waktu jeung asal-muasal organisme nu paéh.

Idéntifikasi bilatung maké hiji klasifikasi nu disebut hambalan "Instar": instar I panjangna kira 2–5 mm, instar II 6–14 mm, sedengkeun instar III 15–20 mm. Ukuran ieu kira-kira sarua jeung 2-3 poé, 3-4 poé, jeung 4-6 poé (pikeun rata-rata laleur imah) ti saprak neundeun endog. ngagunakeun ieu data, ditambah ku tanda-tanda lianna, para élmuwan forénsik bisa nangtukeun iraha kira-kira paéhna.

Bilatung

Mangpaat médis

Ti jaman baheula, bilatung sok dipaké pikeun ngabérésihan tatu nékrotik (baca terapi bilatung).

Tumbu kaluar

Wikimedia Commons mibanda média séjénna nu patali jeung fly.

Pictures of Flies and Other Observations
Information and Pictures About Flying Insects Archived 2006-02-09 di Wayback Machine
Picture: Fly on a window Archived 2006-05-13 di Wayback Machine
Fly with implanted web server, karya Garnet Hertz.