Magnét

Magnét atawa beusi semprani nyaéta hiji materi anu boga medan magnet. Kecap magnét asalna tina basa Yunani magnítis líthos anu hartina batu Magnesian. Magnesia nyaéta ngaran hiji wewengkon di Yunani bihari anu kiwari ngaranna Manisa (ayeuna aya di wewengkon Turki) anu ngandung batu magnét.

Kiwari, magnét nyaéta hiji materi anu miboga médan magnét. Wujud materi kasebut aya nu dina wangun magnét tetep jeung magnét henteu tetep. Magnet anu ayeuna ieu aya ampir kabéhanana mangrupa magnét jieunan.

Magnét sok mibanda dua kutub nyaéta: kutub kalér (north/ N) sarta kutub kidul (south/ S). Sanajan magnét éta dipotong-potong, potongan magnét leutik kasebut baris tetep mibanda dua kutub.

Magnét bisa metot barang séjén. Aya sababaraha materi anu malah kabetot leuwih kuat batan batan materi séjénna, nyaéta bahan logam. Tapi henteu kabéh logam miboga daya betot anu sarua. Beusi sarta waja mangrupa dua conto materi anu miboga daya betot anu tarik. Sedengkeun oksigen éncér mangrupa conto materi anu miboga daya betot nu lemah.

Hijian intensitas magnét nurutkeun sistem metrik dina International System of Units (SI) nyaéta Tesla sarta SI unit pikeun fluks magnétik total nyaéta weber. 1 weber/m^2 = 1 tesla, anu mangaruhan hiji méter pasagi.

Rupa-rupa magnét

Magnét tetep

Magnét tetep henteu merlukeun tanaga atawa bantuan ti luar pikeun ngahasilkeun daya magnét (berelektromagnetik).

Magnét tetep salila ieu dipikanyaho aya dina:

Neodymium Magnets, mangrupa magnét tetep anu pangkuatna.
Samarium-cobalt Magnets
Ceramic Magnets
Plastic Magnets
Alnico Magnets

Magnét henteu tetep (remanen)

Magnét henteu tetep (remanen) gumantung kana médan listrik pikeun ngahasilkeun médan magnét. Conto magnét henteu tetep nyaéta magnét listrik atawa éléktromagnét.

Magnét jieunan

Magnét jieunan ngawengku ampir sakumna magnét anu aya kiwari.

Wangun magnét jieunan di antarana:

Magnét U
Magnét ladam
Magnét watang
Magnét bunderan
Magnét jarum (kompas)

Cara nyieun magnét

Cara nyieun magnét di antarana:

Digosok ku magnét séjén sacara saarah.
Induksi magnét.
Magnét ditempatkeun dina solenoida sarta dikamaliran arus listrik saarah (DC).

Bahan anu ilahar dijadikeun magnét nyaéta: beusi jeung waja. Beusi leuwih gampang pikeun dijadikeun magnét batan waja. Tapi sipat kemagnétan beusi leuwih gampang leungit batan waja. Ku sabab éta, beusi leuwih mindeng dipaké pikeun nyieun éléktromagnét.

Ngaleungitkeun sipat kamagnétan

Cara ngaleungitkeun sipat kamagnétan di antarana:

Dibeuleum.
Dibanting-bantingkeun.
Diteungeul-teunggeulkeun.
Magnét ditempatkeun dina solenoida sarta dikamaliran arus listrik bulak-balik (AC).