Manat Azerbaijan

Manat (kode: AZN) nyaéta mata uang Azerbaijan. Mata uang ieu dibagi deui kana qəpik. Kecap manat diinjeum ti "moneta" (koin) anu dilapalkeun "maneta". Manat bisa ngarah ogé ka ruble Soviét di basa Azerbaijan jeung basa Turkmén.

Manat Azerbaijan
Azərbaycan manatı (Basa Azerbaijan)
Sisi hareup 1 manat Sisi hareup 200 manat
Kode ISO 4217	AZN
Bank Séntral	Bank Séntral Azerbaijan
Loka	www.cbar.az
Pamaké	Azerbaijan
Inflasi	20,8%
Sumber	Bank Séntral Azerbaijan, 2008 to 2007
Metode	CPI
Subunit
1/100	qəpik
Lambang	, m, man.
Koin	1, 3, 5, 10, 20, 50 qəpik
Uang kertas	1, 5, 10, 20, 50, 100, 200 manat

Lambang Manat, , ayeuna heunteu dikodéan dina Unicode. m, man., bisa dipaké salaku gagantina lambang éta.

Manat Kahiji, 1919-1923

Républik Démokratik Azerbaijan, sarta panerusna, Républik Sosialis Soviét Azerbaijan ngaluarkeun mata uangna sorangan antawis 1919 jeung 1923. Mata uang éta ngaranna manat (منات) dina Basa Azerbaijan, ruble (рубль) dina Basa Rusia, kalawan satuanna ditulis dina kadua basa éta (ogé dina Basa Perancis). Manat ngaganti Rubel Transkaukasus dina nominalna sarta diganti ku Ruble Transkaukasus kadua sanggeus Azerbaijan jadi bagian ti Républik Sosialis Féderatif Soviét Transkaukasus. Uang nu ayana ngan nu lembaran (kertas).

Uang kertas

Républik Démokratik Azerbaijan ngaluarkeun uang kertas pecahan 25, 50, 100, 250, jeung 500 Manat, samentara RSS Azerbaijan nagluarkeun uang kertas dina pecahan 5; 100; 1.000; 5.000; 10.000; 25.000; 50.000; 100.000; 250.000; 1 juta jeung 5 juta Manat.

Manat Kadua, 1992-2006

Manat Kadua dipikawanohkeun dina 15 Agustus 1992. Kode ISO 4217-na, AZM. Manat kadua ngaganti Ruble Soviét dina tingkat 10 Ruble : 1 Manat.

Ti awal 2002 nepi ka awal 2005, nilai tukeur rélatif stabil (variasi antara 4770–4990 Manat per Dolar AS). Mimiti usum semi 2005 aya paningkatan nilai Manat banding Dolar AS; alesanna meureunan ku sabab ningkatanna pétrodolar ka nagarana, bareng jeung naékna harga minyak dina pasar dunya. Dina ahir taun 2005, 1 Dolar AS nilaina 4591 Manat. Uang kertas di handapeun 100 Manat sacara éféktif kaluar ti édaran, ogé jeung koin qəpik.

Koin

Qəpik Manat Kadua

Uang logamna dikaluarkeun dina pecahan 5, 10, 20, jeung 50 qəpik, kaping 1992 jeung 1993. Sanajan kuningan jeung tambaga-nikel dipaké dina sababaraha kaluaran 1992, kaluaran sanggeusna sakabéhna maké aluminium.

Uang kertas

Pecahan di handap dimedalkeun,

• 1, 5, 10, 250 Manat (kahiji kaping 1992)
• 50, 100, 500, 1000 Manat (kahiji kaping 1993)
• 10.000 manat (kahiji kaping 1994)
• 50.000 Manat (kahiji kaping 1996)

Manat Katilu, 2006

Dina 1 Januari 2006, Manat nu anyar (kode ISO 4217: AZN, kawanoh ogé salaku "manat (mata uang nasional)") dipikawanohkeun dina pecahan 5.000 Manat heubeul. Saprak 1 Oktober 2005, harga-harga diwanohkeun dina nilai Manat anayr jeung Manat heubeul pikeun ngagampangkeun pangalihan. Koin qəpik, nu teu dipaké deui saprak 1993 ku lantaran inflasi, geus dipikawanohkeun deui kalawan rédénominasi.

Koin

Koin nu aya dina édaran nyaéta 1, 3, 5, 10, 20, jeung 50 qəpik.

Uang ketas

Uang kertas nu aya dina édaran nyaéta 1, 5, 10, 20, 50, jeung 100 Manat. Uang-uang ieu didésain ku Robert Kalina. Uang kertasna katingali mirip jeung Euro.

Lembaran Manat Katilu
Gambar		Nilai	Diménsi	Warna Utama	Katrangan
Hareup	Tukang				Téma	Hareup	Tukang
		1 Manat	120 × 70 mm	Kulawu	Budaya	Alat musik daérah Azerbaijan (daf, kamancheh, tar)	Ornamén karpét Azerbaijan kuna
		5 Manat	127 × 70 mm	Oranye	Kasusastraan jeung Pustaka	Panulis, panyair, jeung buku-buku kuna ti Azerbaijan, kalawan kutipan lagu kabangsaan sarta hurup ti aksara Azerbaijan kontémporér	Lukisan batu ti Gobustan, conto aksara Turk Kuna
		10 <anat	134 × 70 mm	Paul	Sajarah	Baku Kolot, Istana Shirvanshahs jeung Munara Maiden kalawan gambar tukang témbok Icheri Sheher	Ornamén karpét Azerbaijan kuna
		20 <anat	141 × 70 mm	Héjo	Karabakh	Lambang kakawasaan (pedang, hélem, jeung taméng)	Lambang karapihan (harybulbul)
		50 <anat	148 × 70 mm	Konéng	Sajarah jeung jaga	Nu ngora, tangga (lambang kamajuan), panonpoé (lambang tanaga jeung cahya), sarta lambang kimian jeung matematika (lambang élmu pangaweruh)	Ornamén karpét Azerbaijan kuna
		100 <anat	155 × 70 mm	Ungu ngora	Ékonomi jeung kamekaran	Lambang arsitéktur ti jaman kuna nepi ka kiwari, lambang mata unag Manat () jeung lambang tumuwuhna ékonomi	Ornamén karpét Azerbaijan kuna
Gambar ieu diskalakeun 0,7 piksel per millimetre. Pikeun tabél standar, tingali tabél spésifikasi uang kertas.

Ajén tukeur AZN

Yahoo! Finance:	AUD IDR CHF EUR GBP HKD JPY USD RUB TRY GEL
XE.com:	AUD IDR CHF EUR GBP HKD JPY USD RUB TRY GEL
Investing.com:	AUD IDR CHF EUR GBP HKD JPY USD RUB TRY GEL
OANDA.com:	AUD IDR CHF EUR GBP HKD JPY USD RUB TRY GEL

Larangan ékspor

Hukum Azerbaijan ngalarang ékspor mata uang lokalna ku non-wargi nagara.

Tingali ogé

• Bank Séntral Azerbaijan
• Ékonomi Azerbaijan

Rujukan

• Citakan:Numis cite SCWC
• Pick, Albert (1994). Katalog Standar Uang Kertas Dunya: Kaluaran Umum. Colin R. Bruce II jeung Neil Shafer (éditor) (ka-7 ed.). Krause Publications. ISBN 0-87341-207-9. 
• Pick, Albert (1990). Katalog Standar Uang Kertas Dunya: Kaluaran Husus. Colin R. Bruce II jeung Neil Shafer (éditor) (ka-6 ed.). Krause Publications. ISBN 0-87341-149-8. 

Tumbu kaluar

• (Basa Jerman) Der Standard article on the redenomination
• Azerbaijan International. Azerbaijan's New Manats: Design and Transition to a New Currency
• Manat Azerbaijan - uang kertas (en) (de) (fr)

Manat Kahiji

Diheulaan ku: Ruble Transkaukasus kahiji Rasio: at par

Mata uang Azerbaijan 1919 – 1923

Diteruskeun ku: Ruble Transkaukasus kadua

Manat kadua

Diheulaan ku: Ruble Rusia Alesan: merdika ti Uni Soviét Rasio: 1 Manat = 10 ruble

Mata uang Azerbaijan 1992 – 31 Désémber 2005

Diteruskeun ku: Manat katilu Alesan: inflasi Rasio: 1 Manat katilu = 5000 Manat kadua

Manat katilu

Diheulaan ku: Manat kadua Alesan: inflasi Rasio: 1 Manat katilu = 5000 Manat kadua

Mata uang Azerbaijan 1 Januari 2006 –

Diteruskeun ku: —