Palasik
Palasik nyaéta hiji jalma anu katingali normal ngan manéhna resep nyedotan getih, utamana getih barudak leutik.[1] Cara nyedot getihna teu jiga vampir, tapi ngagunakeun barang-barang saperti sapu, gunting.[1] Ciri-ciri éta jalma biasana teu miboga sihung di antara irung jeung bahamna.[1] Jeung pagawéanana biasana tukang ngajual sapu atawa tukang gunting rambut.[1] Palasik nurutkeun carita, légénda atawa kapercayaan urang Minangkabau nyaéta mangrupa makhluk goib.[2] Palasik lain jurig tapi manusa anu miboga ilmu hitam pangluhurna.[2] Palasik sok dipikasieun ku ibu-ibu di Minangkabau anu miboga budak leutik balita sabab kadaharan palasik nyaéta barudak leutik, boh anu masih dina kandungan boh anu geus maot (dikubur), gumantung kumaha jenis palasikna.[2] Élmu palasik dipercaya sifatna turunan.[2] Lamun indung bapana palasik pasti budakna ogé bakal jadi palasik.[2] Dina hakékatna palasik téh lamun rék néwak budak sok ngaleupaskeun sirahna.[2] aya awakna anu sok leumpang néangan kadaharan jeung aya ogé sirahna anu kakalayangan néangan kadaharan.[2] Lamun geus meunang kadaharanana palasik biasana sok diteundeun heula di imahna, henteu langsung didahar kumaha kahayangna, sakapeung mah sok langsung didahar harita kénéh lamun banget-banget teuing lapar mah.[2] Ngégélna téh sok kana beuheungna atawa pundukna sakapeung ogé dikeureut heula ku péso atawa ku gunting lamun hésé-hésé teuing mah sok langsung ku sapu diteunggeulkeun heula nepi ka kapiuhan éta gé lamun awakna nu leumpang néangan kadaharan.[2] Béda jeung lamun néangan kadaharana ku sirah biasana sok langsung digégél harita.[2]
|
Artikel ngeunaan Sunda ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |