Panénjoan

“Panénjoan” dialihkeun ka dieu. Pikeun kagunaan séjén, tempo Panénjoan (disambiguasi).

Panénjoan, panineungan atawa panyawangan (basa Inggris: scenic overlook atawa viewpoint) nyaéta hiji patempatan anu jangkung, sangkan jelema bisa nénjo (osokna mah maké toropong) jeung moto téténjoan. Panénjoan bisa waé dibangun di sajajalan ruteu téténjoan atawa jalur di gunung, osok ogé dipaké jang tempat reureuh keur nu numpak kendaraan bisa eureun heula.

Panénjoan di Ciletuh, deukeut Palabuhanratu Geopark, Kabupatén Sukabumi.

Panénjoan sawah ti lembur Tapos, Cipanengah, Bojong Genténg, Sukabumi.

Loba panénjoan nu lega, nepi ka boga tempat parkir, aya ogé sababaraha (biasana di deukeut jalan raya) anu bener-bener di luar jalan. Panénjoan loba kapanggih di puncak pasir atawa gunung nu nyanghareup ka lebak jeung bisa dituju ngaliwatan jalur pananjakan. Panénjoan bisa dikurilingan ku pager sangkan ngajaga jelma-jelma nu aya di dinya atawa dialusan maké menara keur nénjo nu dirancang jang jelma-jelma nu daratang sangkan bisa naraék ka luhur nu bisa nénjo téténjoan panorama.

Panénjoan osok aya di sababaraha leuweung keur wisata di Tatar Sunda nu boga ngaranna sorangan kumaha ngaran éta tempat, contona Panénjoan Salem di Brebes.

Lolobana panénjoan ngan bisa didatangan ngaliwatan jalan satapak jeung tarajé tina kai, utamana di aréa anu sénsitif sacara ékologis. Panénjoan nu kieu biasana dijieun tina kai, sangkan ngurangan risiko keur lahan nu aya di dinya tina konstruksina.

Jujutan

Dina basa Inggris, kecap viewpoint geus dipaké saprak taun 1856, ngan karék dipaké keur patempatan ti taun 1858. Ti sabot éta, loba panénjoan anu jadi tempat wisata, nu sababaraha di antarana asup kana béréndélan situs warisan dunya UNESCO.