Pantomim
Pantomim nyaéta hiji pintonan di mana para pamaén ngébréhkeun ekspresina ngaliwatan isarat.[1] Sedengkeun dina Grolier Academic Encyclopedia ditétélakeun yén pantomim téh mangrupa hiji carita, téma, nu dicaritakeun tur dimekarkeun ngaliwatan gerak awak pamaénna sarta pasemon nu ekspresif.[1]
Mimitina mah pantomim téh mangrupa selingan dina hiji acara, biasana runtuyan gerakan nu pikaseurieun.[2] Ngaran pantomim sorangan asalna ti urang Yunani kuno jeung urang Romawi, nyaéta pintonan drama nu eusina ibing jeung gesture (gerak).[3] Tapi wangun pantomim ieu téh geus mekar ogé di India jeung Mesir.[3] Dina kamekaranana, pantomim ngadeg mandiri jadi hiji seni pintonan.[3]
Jalma nu maén pantomim disebut pantomimist.[2] Pantomimist nu kasohor nyaéta Charlie Chaplin jeung Marcel Marceu ti Prancis.[2]
John Hampden ngébréhkeun yén tujuan pantomim nyaéta mekarkeun gerakan leungeun sarta movement anu hadé tur ekspresif.[1] Pantomim lain improvisasi, tapi mangrupa basa isarat tanpa kekecapan, sedengkeun improvisasi mah gerakan-géarakan nu teu ditataharkeun saméméhna, atawa hiji spontanitas.[1] Pintonan pantomim ngabutuhkeun latihan-latihan nu husus sangkan maksud jeung ide pantomimist bisa nepi ka nu lalajo.[1]
Referensi
éditTumbu kaluar
édit- (en) Portal Pantomim
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |