Pertempuran Bojong Kokosan

Pertempuran Bojong Kokosan nujul ka kajadian diserebuna kompoy tentara Inggris (AFNEI) nu rék nguatan pasukanana di Bandung ku para pajoang Indonésia di Bojong Kokosan, Sukabumi.

Penyergapan

Sanggeus nampa béja rék datangna saratusan tentara Inggris ti Jakarta, para pajoang ngarencanakeun nyegat éta rombongan di jalan anu diapit gawir di Bojong Kokosan. Nalika jam 3 soré tutumpakan pangawal kompoy tiporos kana lombang nu geus disiapkeun, para pajoang langsung ngagempur tentara Inggris nepi ka kira jam 5 soré. Sanggeus bisa ngalolos, pilemburan sabudeureun Bojong Kokosan dibombardir ku pasukan udara Karajaan Inggris (Royal Air Force).

Jumlah korban

Penyergapan tentara nu dikawal sababaraha téng jenis Stuart ieu ngabalukarkeun palastrana 50-an tentara Inggris, natuan saratusan lianna, sedengkeun 30-an deui leungit. Lobana korban ti pihak Inggris dina béntrokan ieu ramé diaduregengkeun di Parlemén Inggris sarta ngondang perhatian dunia internasional.

Poé Joang Siliwangi

Ti taun 2004, pertempuran nu lumangsung ping 9 Désémber 1945 ieu dipiéling salaku Poé Joang Siliwangi. Poé éta téh pas sabulan sanggeus wates anu dibéré ku Sekutu ka tentara Indonésia sangkan ngudar sakabéh pakarangna (10 Nopémber).

Rujukan

• Wiryono, Herry. Perjuangan rakyat Jawa Barat mempertahankan dan menegakkan kedaulatan Républik Indonésia dari rongrongan Sekutu (1945-1946). Buddhiracana II (10): 64-70. (PDF)
• Kalender Peristiwa Sejarah yang Berhubungan dengan TNI Archived 2007-02-16 di Wayback Machine
• Bojongkokosan Tak Tercatat

Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.