Wikipédia

Prazikuantel

 Artikel ieu masihan informasi dasar dina bidang kesehatan. Informasi dina artikel ieu ngan meunang digunakeun kanggo informasi ilmiah, teu bisa ngaganti diagnosis medis.
Perhatosan: Wikipédia lain dokter, sagala informasi anu aya dina ieu énsiklopédi dumasar rujukan anu aya.
Saupama anjeun aya keluhan, konsultasikeun jeung tenaga kaséhatan langsung

Prazikuantel nu miboga ngaran dagang Biltricide nyaéta ubar nu biasa dipaké pikeun ngubaran inféksi parasit kayaning cacing schistosoma jeung cacing fasciola hepatica, salian ti éta ubar ieu ogé dipaké pikeun ngubaran sababaraha panyakit nu disababkeun cacing pita, usus jeung cacing paru-paru.[2][3][4][5]

Prazikuantel
Data klinis
Pelafalan/ˌpræzɪˈkwɒntɛl/
Nama dagangBiltricide
AHFS/Drugs.comCitakan:Drugs.com
MedlinePlusa608048
Kategori
kehamilan
  • AU: B1
  • US: B (Teu miboga résiko numutkeun kana sababaraha panalungtikan)
Jalur
pemberian		Pamakéan manusa: ngaliwatan baham (tablét)
Kode ATC
Legal status
Legal status
  • US: ℞- (pamakéan manusa),
    OTC (dipake ku dokter hewan)[1]
Pharmacokinetic data
BioavailabilitasRelatif leutik
MétabolismeuLiver
Eliminasi waktu-paruh0.8–1.5 jam (métabolisme utama: 4–5 jam)
EksresiUrin (Utamana)
Identifiers
Nomor CAS
PubChem CID
DrugBank
ChemSpider
UNII
KEGG
ChEMBL
ECHA InfoCard100.054.126 Edit this at Wikidata
Chemical and physical data
RumusC19H24N2O2
Massa molar312.411 g·mol−1
3D model (JSmol)
Titik lebur136 to 138 °C (277 to 280 °F)
  (verify)

Kagunaan édit

Ubar ieu biasa di paké pikeun ngubaran inféksi nu disababkeun ku cacing schistosoma, nu asup kana awak ngaliwatan kulit nu kungsi nyabak kana cai nu geus kakontaminasi ku ieu cacing atawa kusabab ngadahar sato cai nu geus ka kontaminasi ku ieu cacing. Salian ti éta, ubar ieu ogé biasa dipaké keur ngubaran panyakit nu disababkeun ku cacing fasciola hepatica atawa cacing haté, cacing pita, cacing usus, jeung cacing paru-paru. [2][3][4]

Sifat fisik jeung kimia édit

Prazikuantel miboga rumus kimia C19H24N2O2 ngaran kimiana 2-cycloheksilcarbonyl-1,2,3,6,7,11b-hexsahidropyrazino(2,1-a) isokuinolin-4-one, beurat molekul 312,4 g/mol. Bentukna kawas serbuk kristal bodas atawa hampulir bodas. Mangrupakeun polimorfisa, hésé larut dina cai, babari larut dina alkohol jeung kloroform.[6][7]

Cara maké édit

Nginum ubar ieu jeung dahareun séjén, biasana 3 kali dina sapoé (4 nepi ka 6 jam jarakna saacan nginum dosis lianna ) keur sapoé saperti nu di anjurkeun ku dokter. Teureuy ubar tablet atawa segmen tablet ku sagelas pinuh cai hérang (8 ons atawa 240 mililiter). Tabletna ulah digayem atawa dikenyot kusabab praziquantel ngabogaan rasa nu pait jeung bisa kabesékan atawa utah. Dokter anjeun nyarankeun pikeun nginum ubar ieu kurang ti 3 kali sapoé atawa leuwih ti sapoé. Turutkeun saluyu jeung paréntah dokter.

Singkahan dahar jeruk bali atawa nginum jus jeruk bali wanci maké ubar ieu kecuali diintruksikeun ku dokter. Konsumsi praziquantel saluyu jeung dosis nu geus ditangtukeun ku dokter, sok sanajan geus ngarasa mendingan, ulah ngeureunkeun pangobatan saacan konsultasi jeung dokter kusabab bisa micu inféksi balik deui. [3][4]

Cara gawé édit

Praziquantel gawé ku cara nyababkeun kejang parah jeung kalumpuhan otot cacing. Kalumpuhan ieu disababkeun ku asupna Ca 2+ nu gancang di jero schistosome. Parobahan morfologis ieu mangrupa éfék awal lianna ti praziquantel. Parobahan morfologis dibarengan ku paningkatan paparan antigen schistosome di permukaan parasit. Cacing-cacing éta tuluy diancurkeun sautuhna di usus atawa ngaliwatan tinja. Ciri unik praziquantel nyaéta relatif teu éféktif ka schistosom rumaja. Sok sanajan awalna éféktif, éféktivitas kana schistosom nurun nepi ka minimal 3-4 minggu. Éfektivitas tuluy ningkat deui nepi ka sakali deui nu sapinuhna éféktif dina 6-7 minggu. Glutathione S-transferase (GST), énzim détoksifikasi penting dina cacing parasit, ieu mangrupa target vaksin utama jeung target ubar mun ngalawan schistosomiasis. Saluran ion kalsium Schistosome kiwari jadi hiji-hiijina target praziquantel nu dipikanyaho. [4][6]

Hal nu kudu diperhatikeun édit

Saacan nginum ubar ieu, aya sababaraha hal nu kudu diperhatikeun, kayaning:[2][4][5]

  • Ulah nginum praziquantel mun anjeun boga riwayat alérgi kana praziquantel atawa kandungan nu aya di jerona,
  • Kudu ati-ati mun ngarandapan panyakit sistiserkosis okular (infeksi parasit dina panon) saacan ngonsumsi praziquantel,
  • Jéntrékeun ka dokter min anjeun ngarandapan panyakit haté atawa limpa, gangguan ginjal jeung irama jantung, kejang, sarta sistiserkosis otak (infeksi parasit dina otak).
  • Ulah nginum alkohol salila maké praziquantel kusabab bisa ningkatkeun éfék samping tunduh nu leuwih parna,
  • Jéntrékeun ka dokter mun anjeun keur nginum antibiotik rifampin. Praziquantel teu meunang dipaké babarengan jeung ubar ieu,
  • Jéntrékeun ka dokter mun anjeun keur nginum vitamin atawa ubar herbal séjénna, supaya dosis praziquantel bisa disaluyukeun.
  • Praziquantel bisa mangaruhan kandungan ASI. Ulah nyusuan bayi sacara langsung nepi ka tilu poé sanggeus nginum ubar ieu.
  • Praziquantel bisa nyababkeun tunduh, jeung lieur, ulah mawa kendaraan sanggeus nginum ubar ieu.

Interaksi Prazikuantel édit

Interaksi ubar bisa ngarobah gawé ubar atawa ngaronjatkeun résiko éfék samping nu leuwih serius. Ieu sababaraha ubar nu unteraksi jeung prazikuantel kayaning:[8]

  • Deksametason, ngagabunngkeun ubar ieu jeung prazikuantel bisa nurunkeun kadar praziquantel dina getih jeung nyieun gawéna teu éféktif. [9]
  • Carbamazepin, ngagabunngkeun ubar ieu jeung prazikuantel bisa nurunkeun kadar praziquantel, [10]
  • Klorokuin,pamakéan ubar ieu jeung prazikuantel bisa nurunkeun éfék tina ieu ubar,[11]
  • Cimitidine,[12]
  • Fosphenytoin,[13]
  • Rifampin, pamakéan ubar ieu jeung prazikuantel bisa nurunkeun kadar praziquantel dina getih jeung nyieun gawéna teu éféktif, hal ieu bisa ningkatkeun éfék résiko,[14]
  • Lefamulin,[15]
  • Mitotane,[16]

Éfék samping édit

Éfék samping mangrupa hiji éfék nu teu dipiharep tina ubar. Éfék samping ieu bisa mangrupa-rupa di sababaraha jalma gumantung kana kaayaan panyakit, umur, beurat awak, jinis kelamin, étnis, jeung sababaraha kaayaan kaséhatan lianna. Ieu di handap sababaraha éfék samping nu bisa karasa sanggeus nginum prazikuantel:[2][5][17]

  • Panas awak, kejang, ratug jantung (aritmia).
  • Arateul, hésé rénghap.

Tutumbu kaluar édit

Rujukan édit

  1. ↑ "Farnam Pet Press Release. TRUSTED D-WORM™ offers product for tapeworm management". Farnam Companies, Inc. Diarsipkan dari versi asli tanggal 14 October 2008. Diakses tanggal 3 October 2016.  Archived 14 Oktober 2008 di Wayback Machine
  2. ↑ a b c d "Praziquantel Uses, Side Effects & Warnings". Drugs.com. Diakses tanggal 2020-06-25. 
  3. ↑ a b c "Praziquantel : Fungsi, Dosis, Efek Samping, Cara Pakai". Hello Sehat (dalam id-ID). Diakses tanggal 2020-06-25. 
  4. ↑ a b c d e "Praziquantel". Alodokter. Diakses tanggal 2020-06-25. 
  5. ↑ a b c "Schistosomiasis". Halodoc. Diakses tanggal 26-06-2020. 
  6. ↑ a b "Praziquantel". www.drugbank.ca. Diakses tanggal 2020-06-26. 
  7. ↑ "Prazikuantel | Kandungan, Indikasi, Efek Samping, Dosis, Obat Apa". Farmasi-id.com (dalam en-US). Diakses tanggal 2020-06-26. 
  8. ↑ "Praziquantel - Side Effects, Dosage, Interactions - Drugs - Everyday Health". EverydayHealth.com. Diakses tanggal 2020-06-26. 
  9. ↑ "Dexamethasone and praziquantel Drug Interactions". Drugs.com. Diakses tanggal 2020-06-26. 
  10. ↑ "Carbamazepine and praziquantel Drug Interactions". Drugs.com. Diakses tanggal 2020-06-26. 
  11. ↑ "Chloroquine and praziquantel Drug Interactions". Drugs.com. Diakses tanggal 2020-06-26. 
  12. ↑ "Cimetidine and praziquantel Drug Interactions". Drugs.com. Diakses tanggal 2020-06-26. 
  13. ↑ "Fosphenytoin and praziquantel Drug Interactions". Drugs.com. Diakses tanggal 2020-06-26. 
  14. ↑ "Praziquantel and rifampin Drug Interactions". Drugs.com. Diakses tanggal 2020-06-26. 
  15. ↑ "Lefamulin and praziquantel Drug Interactions". Drugs.com. Diakses tanggal 2020-06-26. 
  16. ↑ "Mitotane and praziquantel Drug Interactions". Drugs.com. Diakses tanggal 2020-06-26. 
  17. ↑ "Praziquantel: Side Effects, Dosages, Treatment, Interactions, Warnings". RxList. Diakses tanggal 2020-06-26. 
Dicomot ti "https://su.wikipedia.org/w/index.php?title=Prazikuantel&oldid=651691"