Wikipédia

Pulo Sebuku (Sumatra)

pulo di Selat Sunda

Page Modul:Infobox/styles.css has no content.

Sebuku
Lokasi Pulo Sebuku di Selat Sunda
Géografi
Koordinat5°52′26″S 105°31′5″E / 5.87389°S 105.51806°E / -5.87389; 105.51806
Awak cai nu deukeutanSelat Sunda, Teluk Lampung
Lega17,71 km² (683,8 mil²)
Élévasi pangluhurna361,8 m (1.187 ft)
Administrasi
PropinsiLampung
KabupaténLampung Kidul
KacamatanRajabasa
Informasi tambahan
Zona wanci

Pulo Sebuku (disebut ogé Seboekoe[1] atawa Sebuku Besar) nyaéta salah sahiji pulo nu perenahna di Selat Sunda jeung kaasup kana Kacamatan Rajabasa, Kabupatén Lampung Kidul, Propinsi Lampung.[2] Ieu pulo legana 17,71 kilométer pasagi jeung luhurna nepi ka 361,8 méter.[3][1] Ieu pulo jadi tempat panalungtikan ngeunaan suksési di Kapuloan Krakatau nu ancur ku érupsi dina taun 1883. Pulo ieu biasana didatangan turis pikeun ningali pamandangan jero lautna ku cara snorkeling.[4]

Géografi

édit

Pulo Sebuku perenahna di Selat Sunda jeung Teluk Lampung, tepatna 2,3 kilométer ka kalér ti Pulo Sebesi, 2,3 kilométer ka kidul ti pulo Sumatra, jeung 30 kilométer ti Kapuloan Krakatau.[5][6] Pulo nu luhurna nepi ka 361,8 méter ieu sacara administratif kaasup kana Kacamatan Rajabasa, Kabupatén Lampung Kidul, Propinsi Lampung.[2] Di wétan ieu pulo aya Pulo Sebuku Kecil nu jarakna sakitar 800 méter jeung boga punclut pangluhurna 142 méter.[1] Ti 132 pulo nu aya di Lampung, pulo nu legana 17,71 kilométer pasagi ieu mangrupa salah sahiji pulo nu boga pangeusi.[3][7]

Pulau Sebuku boga peran dina ngalindungan garis basisir di suku Gunung Rajabasa ti abrasi ku gelombang laut nepi ka tsunami ti érupsi Gunung Krakatau.[8]

Sajarah

édit

Dina érupsi Gunung Krakatau taun 1883, kasaluruhan pangeusi di Pulo Sebuku nu jumlahna 150 jelema tilar dunya. Ieu pulo katimbun sababaraha méter ku lumpur ti letusan.[6]

Ekologi

édit

Leuweung nu asli di Pulo Sebuku tos teu aya lantaran kasapu ku tsunami jeung nuée ardente dina taun 1883 nu dihasilkeun érupsi Gunung Krakatau.[9] Leuweung ieu kiwari tos kaganti ku pepelakan budidaya.[10] Ieu pulo ogé kaasup kana zona perikanan budidaya, nyaéta zona pikeun pangembangan komoditas budi daya laut saperti rumput laut jeung lauk.[2]

Pulo Sebuku, di sisi Pulo Sebesi, jadi tempat panalungtikan ngeunaan suksési di Kapuloan Krakatau nu ancur teu nyisakeun nanaon saatos érupsi dina taun 1883. Ieu panalungtikan dilakukeun lantaran aya dugaan satoan jeung tutuwuhan nu ayeuna aya di Kapuloan Krakatau, saperti kukupu jeung anggrék, asup ti Pulo Sumatra ngaliwatan Pulo Sebuku sabagai "batu loncatan"-na. Loba tutuwuhan ogé asup ti Pulo Sebuku ku cara manuk jeung kalong nu ngaragragkeun biji di éta pulo.[11] Tapi, hasil panalungtikan ieu nunjukkeun yén spésiés satoan jeung tutuwuhan ieu leuwih mungkin asup ti Pulo Jawa tibatan ti Pulo Sebuku.[5][12]

Pulo Sebuku jadi habitat tetep ti manuk japati Macropygia emiliana.[13]

Pariwisata

édit

Pulo Sebuku bisa didatangan ku cara numpak parahu nelayan salila 1,5 jam ti Darmaga Canti, Kalianda. Pulo ieu biasana didatangan turis pikeun ningali pamandangan jero lautna ku cara snorkeling.[4][14]

Pamaréntah Propinsi Lampung boga rencana ngembangkeun pariwisata basisir Pulo Sebuku jeung infrastruktur jalur cai sarta aktivitas perikanan.[15][16] Tapi, saperti pulo-pulo nu aya di sakitarna, objék wisata di ieu pulo masih teu acan boga izin pangelolaan ti pamaréntah.[7]

 
Pamandangan Pulo Sebuku

Rujukan

édit
  1. ↑ a b c Sailing Directions for Soenda Strait and the Western and Northeast Coasts of Borneo and Offlying Islands (5th ed.). Dinas Pametaan Pertahanan Amérika Sarikat. 1975. 
  2. ↑ a b c "Peraturan Daerah Provinsi Lampung Nomor 1 Tahun 2018 tentang Rencana Zonasi Wilayah Pesisir dan Pulau-Pulau Kecil Provinsi Lampung Tahun 2018-2038". Pamaréntah Propinsi Lampung. 2018. Diakses tanggal 24 Désémber 2019.  Archived 2019-12-24 di Wayback Machine
  3. ↑ a b "Peraturan Daerah Provinsi Lampung Nomor 6 Tahun 2007 tentang Rencana Pembangunan Jangka Panjang Daerah (RPJPD) Provinsi Lampung Tahun 2005-2025" (PDF). Pamaréntah Propinsi Lampung. 2007. Diakses tanggal 24 Désémber 2019.  Archived 2019-12-25 di Wayback Machine
  4. ↑ a b "Nikmatnya Alam di Sekitaran Gunung Anak Krakatau". Pesona Indonésia. Kementerian Pariwisata Républik Indonésia. Diakses tanggal 24 Désémber 2019.  Archived 2019-12-24 di Wayback Machine
  5. ↑ a b Yukawa, Junichi; Partomohardjo, Tukirin; Yata, Osamu; Hirowatari, Toshiya (31 Maret 2000). "An Assessment of the Role of Sebesi Island as a Stepping-stone for the Colonisation of the Krakatau Islands by Butterflies". Esakia (Univérsitas Kyoto) (4): 1-10. Diarsipkan dari yang asli on 7 October 2011. https://web.archive.org/web/20111007022702/https://qir.kyushu-u.ac.jp/dspace/bitstream/2324/2638/1/1.pdf. 
  6. ↑ a b Carey, S.; Sigurdsson, H.; Mandeville, C.; Bronto, S. (1996). "Pyroclastic flows and surges over water: an example from the 1883 Krakatau eruption". Bulletin of Vulcanology 57 (7): 493-511. doi:10.1007/bf00304435. https://link.springer.com/article/10.1007/BF00304435. 
  7. ↑ a b Rachmawati, ed. (12 Juli 2019). "132 Pulau Kecil Dipakai untuk Wisata, Belum Satu Pun Punya Izin". Kompas. Diakses tanggal 24 Désémber 2019. 
  8. ↑ Jokowinarno, Dwi (Agustus 2009). "Identifikasi Garis Pantai di Provinsi Lampung yang Rawan oleh Tsunami sebagai Akibat Letusan Gunung Krakatau". Rekayasa: Jurnal Sipil dan Perencanaan (Fakultas Téhnik Univérsitas Lampung) 13 (2): 119-130. http://ft-sipil.unila.ac.id/ejournals/index.php/jrekayasa/article/viewFile/4/5.  Archived 2019-12-25 di Wayback Machine
  9. ↑ Rothery, David A. Volcanoes, Earthquakes and Tsunamis:Teach Yourself. London: Hodder Education. ISBN 978-1444103113. 
  10. ↑ Asyifa, Wara; Ubaidillah, Rosichon; Yamane, Seiki (Désémber 2008). "Ant (Hymenoptera: Formicidae) of the Krakataus, and Sebesi and Sebuku Islands". Treubia: A Journal on Zoology of the Indo-Australian Archipelago (LIPI) 36: 1-9. ISSN 0082‐6340. Diarsipkan dari yang asli on 7 October 2011. https://web.archive.org/web/20111007020542/http://www.biologi.lipi.go.id/jurnal/reinwardtia/2010_01_19_16_17_17treubia2008-wara.pdf.  Archived 7 Oktober 2011 di Wayback Machine
  11. ↑ Whittaker, Robert J.; Jones, Stephen H. (Méi 1994). "The Role of Frugivorous Bats and Birds in the Rebuilding of a Tropical Forest Ecosystem, Krakatau, Indonesia". Journal of Biogeography (Wiley) 21 (3): 245-258. doi:10.2307/2845528. https://www.jstor.org/stable/2845528. 
  12. ↑ Partomihardjo, Tukirin (2003). "Colonisation of orchids on the Krakatau Islands". Telopea 10 (1): 299-310. http://plantnet.rbgsyd.nsw.gov.au/emuwebnswlive/objects/common/webmedia.php?irn=39041&reftable=ebibliography. 
  13. ↑ Gibbs, David; Barnes, Eustace; Cox, John (2010). Pigeons and Doves: A Guide to the Pigeons and Doves of the World. London: Christopher Helm. pp. 267–269. ISBN 978-1408135556. 
  14. ↑ Vaisutis, Justine; Bedford, Neal; Elliott, Mark; Ray, Nick; Berkmoes, Ryan Ver (2007). Indonesia. Lonely Planet. p. 482. ISBN 978-1741044355. 
  15. ↑ Sulistyorini, Rahayu; Junaidi, Tas'an (23-24 Novémber 2012). "Feasibility Study of Kalianda Coast Ring Road in South Lampung Regency". Proceedings The 15th FSTPT International Symposium (Bekasi: Sekolah Tinggi Transportasi Darat). ISBN 979-95721-2-14. https://core.ac.uk/download/pdf/147617508.pdf. 
  16. ↑ Budiyono, Heryandi; Firmansyah, Ade Arif; Neta, Yulia (2018). "Harmonization of Village Development Planning Law in Lampung Coastal in the Spatial Planning Regime". Journal of Law, Policy and Globalization (IISTE) 70: 16-23. ISSN 2224-3240. https://www.iiste.org/Journals/index.php/JLPG/article/view/41203. 
Dicomot ti "https://su.wikipedia.org/w/index.php?title=Pulo_Sebuku_(Sumatra)&oldid=665036"