R.A.A. Kusumaningrat
Radén Aria Adipati Koesoemaningrat, bupati Cianjur (1834-1862) nu gedé jasana dina mekarkeun Tembang Sunda.[1]. Sok disebut ogé Dalem Pancaniti ku sabab mindeng menekung tafakur di pancaniti. Ngaran keur leutikna mah R.Hasan.[1]. Ti leuleutik diajar pantun jeung degung ka R.Wasitareja. Nya anjeunna nu mimiti nyipta wanda dina Cianjuran, saperti wanda papantunan tina hasil kréasina kana seni pantun, wanda dedegungan (hasil kréasina tina degung), jejemplangan (hasil kréasi tina lagu-lagu jemplang), jeung rarancagan (hasil kréasi tina lagu-lagu rancag).[1]
Kacapi Dalem Pancaniti dingaranan Nyi Guling putih, turta dianggap mibanda kakuatan magis. Dina waktu-waktu nu tangtu, saban minggu sok diayakeun riungan para seniman di ruangan pancaniti, nepi ka kasenian, utamana seni mamaos, bisa mekar tur nerekab saparahiangan.
Sajaba ti panaratas tembang Sunda, anjeunna ogé produktif nulis, samalah karyana Kamus Melayu Sunda bisa dianggap minangka kamus Melayu Sunda munggaran anu ditulis ku pribumi (urang Sunda).[2]
Catetan
édit- ↑ a b c (id) Ajip Rosidi, dkk. (2000) Ensiklopedi Sunda; Alam, Manusia, dan Budaya (termasuk Budaya Betawi dan Cirebon). Jakarta: Pustaka Jaya. Kaca 176. id=ISBN 9794192597
- ↑ tingali Naskah (manuscript) Kamus Melayu Sunda (SD 2), 1857, nu kiwari diteundeun di Perpustakaan Nasional RI
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |