Ranjang

Ranjang nyaéta parabot anu aya di jero imah perenahna di pangkéng dipaké pikeun tempat saré atawa leleson ^[1] ogé paranti diuk upamana keur aya di jero pangkéng ^[2] , ukuran ranjang ilaharna disaluyukeun jeung kabutuhan, naha dipaké sorangan, duaan atawa leuwih ^[2], Ranjang dilengkepan ogé ku kasur, sepré, bantal, jeung guguling malahan aya ogé anu resep ditutupan maké kulambu maksudna sangkan henteu di congcong reungit^[3]. Ranjang tina beusi diurang mangrupa pangaruh nagara kulon, bisa waé ranjang ngagunakeun beusi sangkan kuat, gampang di bongkar jeung dipasang ^[4].

Pedaran

Ukuran

Ranjang mibanda sababaraha ukuran anu geus ditangtukeun ^[5]:

Ukuran 1 x 2 méter disebut ogé ukuran single (ukuran ranjang saurangeun)
Ukuran 1,2 x 2 méter disebut ogé ukuran super single (ukuran saurangeun ngan leuwih lébar)
Ukuran 1,6 x 2 méter disebut ogé ukuran queen (ukuran sedeng dipaké duaaneun)
Ukuran 1,8 x 2 méter disebut ogé ukuran King (ukuran panggedéna pikeun anu geus kulawarga)

Rupa-rupa wangun ranjang

Rupa-rupa wangun ranjang^[6] :

Ranjang panggung (Platform Beds)
Ranjang kanopi (Canopy Beds)
Ranjang opat tihang (Four-poster Beds)
Ranjang bingkai (Panel Beds)
Ranjang kareta (Sleigh Beds) mimiti dijieun dina abad ka-19 anu mangrupa pangaruh tina gaya Romawi jeung Yunani, dijieun tina kai tapi kiwari teu saeutik ogé anu geus maké bahan logam anu hampang.
Ranjang tembok (Wall Beds) ranjang anu kieu kasurna napel kana ranjang ku lantaran kitu ranjang saperti kieu bisa ditangtungkeun atawa disarandékeun kana témbok, di mana geus nangtung hamdapeun ranjangna bisa dimangpaatkeun pikeun meja paranti maca jeung nulis.
Ranjang koropak (Trundle Beds) ranjang mibanda undakan nyaéta ranjang biasa ngan di kolong ranjang aya deui tempat sare anu bisa disorolokeun kaluar jeung ka jero, ilaharna dipaké pikeun tempat saré barudak anu masih kénéh saré bareng.