Rio Haryanto
Rio Haryanto (gumelar di Solo, 22 Januari 1993; umur 31 taun) nyaéta saurang pambalap gokart asal Indonésia.[1] Rio anak ti pasangan Indah Pennywati jeung Sinyo Haryanto.[1] Rio téh anak bungsu ti 4 sadulur.[1] Rio mimiti mawa gokart ti keur umur 6 taun.[2] Rio nuturkeun lalampahan lanceuk-lanceukna kana aréna balap, nyaéta Roy Haryanto jeung Ryan Haryanto.[2] Taun 1999 Roy ngamimitian turun kana aréna balap nalika umurna kara 6 taun anu satuluyna jadi juara nasional gokart kelas kadét dina taun 1999.[2] Ikatan Motor Indonésia tuluy maparinkeun pangajén minangka Atlit Gokart Pangpunjulna Junior dina taun 2005 jeung 2006.[2] Rio kuliah di FTMS Global Singapore anu ruket jeung Anglia Ruskin University Britania Raya, jurusan Bisnis Manajemen.[2]
Karir
éditDina bulan Juni 2008 Rio jadi juara kahiji dina ajang Asian Karting Open Championship seri 1 di sirkuit Guia, Makau, RRT.[2] Sanggeus 7 taun leuwih icikibung di aréna balap gokart, mimiti ditaratasanna mah nalika ilubiung dina ajang balap Asian Formula Renault jeung Formula Asia 2.0.[2] Parobahan jenis kandaraan anu dibawana teu matak jadi hahambat préstasina, di taun satuluyna antukna jadi juara umum ajang Formula BMW ku total 6 seri, 15 round, Rio meunangkeun 14 podium dina taun 2009 éta.[2]
Dina raraga ngalaga di aréna F1, sarta ku pangrojong ti sawatara sponsor tuluy ilubiung dina ajang GP3 Europe Series 2010.[2] Rio meunangkeun podium kahiji di Turki, 1st Runner Up di Silverstone, 2nd Runner Up di Monza, Italia sarta meunang préstasi minangka The Best Driver Manor Racing.[2]
Dina bulan Juli 2011 Rio nyatetkeun deui préstasi ku tutuluyan jadi juara ajang GP3 Europe Series, nyaéta seri 5 jeung seri 6, masing-masing di sirkuit Nürburgring Jérman, Hungaroring di Budapest, jeung 1st jeung 2nd Runner Up di Monza Italia, sarta meunang pangajén minangka The Best Win of Season GP3 series 2011.[2] Bulan Juni 2013 Rio naék podium sarta meunangkeun juara kadua di sprint race seri 5 GP2 di sirkuit Silverstone, Britania Raya.[2] GP2 Series mangrupa ajang balap mobil anu diperhitungkeun ku para pambalap minangka léngkah munggaran supaya asup ka ajang balap mobil F1.[2]
Rujukan
édit- ↑ a b c wow, keren. "Profil Rio Haryanto". wowkeren.com. Diakses tanggal 2016-02-13. Archived 2015-12-25 di Wayback Machine
- ↑ a b c d e f g h i j k l m Hartanto, Rio. "Biografi". rioharyanto.com. Diakses tanggal 2016-02-13.