Buka ménu utama

Wikipedia β

Sambiloto
Tangkal Sambiloto
Klasifikasi ilmiah
Karajaan: Plantae
Order: Lamiales
Kulawarga: Acanthaceae
Génus: Andrographis
Spésiés: A. paniculata
Ngaran binomial
Andrographis paniculata
(Burm.f.) Wall. ex Nees[1]

Sambiloto nyaéta ngaran tutuwuhan jangkungna kurang leuwih satengah méter, jadina di sisi pager, kembangna leutik barodas, ari buahna ngajajar dina dahan-dahanna.[2] Daun sambiloto rasana pait pisan jeung bangunna saperti siih hayam.[2] Sambiloto sok disebut kiroay, kipeurat, takilo, papaitan atawa bidara.[2] Daun sambiloto gedé pisan gunana di antarana raheut ditambaan ku sambiloto beunang ngarieus sok gancang lita deui.[2] Nu dipacok oray atawa aya nu nyeureud nginum cisambiloto jeung urutna ditaplokan sambiloto beunang ngarieus sok cageur deui.[2] Daun sambiloto beunang ngarieus dipaké pipilis supaya gering panas jadi rerep atawa caina diinum matak ngarerepkeun panas lantaran inpéksi tatu.[2]

RéferénsiÉdit

  1. "Andrographis paniculata information from NPGS/GRIN". www.ars-grin.gov. Diakses tanggal 2010-04-29. 
  2. a b c d e f Danadibrata, R. A. (2006). Kamus Basa Sunda. Bandung: Kiblat Buku Utama. ISBN 9793631937.