Sanghyang Heuleut
Sanghyang Heuleut nyaéta salah sahiji tempat pelesir nu aya di Rajamandala Kulon Kecamatan Cipatat Kabupaten Bandung Barat Jawa Barat, perenahna aya di kawasan PLTA Saguling.[1][2][3][4] Sanghyang Heuleut mangrupa situ anu luhurna dialiri cai nu asalna ti walungan Citarum.[3]
Sanghyang hartina hiji hal nu dianggap suci sedengkeun heuleut hartina wates antara dua hal atawa dua waktu.[1][2][4] Aya ogé sasakala nu nyebutkeun yén tempat ieu téh sok dipaké mandi para widadari.[3] Jadi lamun dihartikeun mah Sanghyang Heuleut téh hartina hiji tempat suci anu sok didatangan ku widadari nu miboga dua dunya.[4]
Sanghyang Heuleut mangrupa salah sahiji tina tilu bagéan Sanghyang.[1] Dua lainna nyaéta Sanghyang Tikoro jeung Sanghyang Poék anu lokasina padeukeut jeung Sanghyang Heuleut.[1] Tempat ieu téh kaasup kana obyék wisata tilu situ terasering anu dikiurilingan ku babatuan sarta cadas-cadas nu terjal.[1] Ku lantaran ieu ogé, Sanghyang Heuleut kaasup situ purba lantaran formasi batu-batu nu aya di tempat ieu.[2]
Aksés ka Sanghyang Heuleut
éditTempat ieu bisa didatangan ngagunakeun kandaraan roda dua atawa roda opat kalawan waktu tempuh kiéang leuwih sajam satengah ti Kota Bandung.[1][2] Para wisatawan nu hayang apal rute ka Sanghyang Heuleut bisa ngaliwatan rute ieu.[1][2] Kahiji, ngaliwatan jalan Raya Bandung-Cianjur tuluy asup ka jero gerbang waduk Saguling anu aya di sisi kéncaeun jalan lamun indit ti Kota Bandung.[1][2] Sanggeus éta, asup ka jalan anu rék ak Waduk Saguling, kalawan jalan anu pépéngkolan ngaliwatan Sanghyang Tikoro.[1][2]
Gerbang tempat wisata Sanghyang Heuleut teu jauh ti kawasan Sanghyang Tikoro.[1][2] Kurang leuwih 200 méter ti gerbang, aya pos awal mangrupa warung jeung tempat parkir kandaraan.[1][2] Tepi ka dieu, lalampahan dituluykeun ku cara leumpang, dipandu ku masarakat satempat nu jadi pamandu wisata.[1][2]
Di bagian awal lalampahan, wisatawan kudu ngaliwatan pipa gedé tuluy asup ka jalan satapak anu loba tatangkalan.[1][2] Wisatawan leuwih hadé maké sapatu anu solna henteu leueur lantaran jalan nu kudu diliwatan lumayan rumpil jeung hésé.[1][2] Ieu obyék wisata dibuka ti mimiti jam 8 isuk-isuk tepi ka jam 4 soré.[1][2]
Loba jalma nu nyaruakeun tempat ieu jeung Green Canyon Kabupatén Pangandaran.[1] Salian ti babatuan jeung cadas, aliran walungan-walungan leutik, tatangkalan nu rimbun ogé nambahan kaéndahan tempat ieu.[1]
Referensi
édit- ↑ a b c d e f g h i j k l m n o p q "Buang Penat dengan Melompat ke Sanghyang Heuleut" (dalam bahasa id). Pikiran Rakyat. 2017-02-03. http://www.pikiran-rakyat.com/bandung-raya/2017/02/03/buang-penat-dengan-melompat-ke-sanghyang-heuleut-392531. Diakses pada 2017-11-12
- ↑ a b c d e f g h i j k l m Mardiana, Dian. "Sanghyang Heuleut – Info Mitos, Tiket Masuk & Rute Jalan". Tempat Wisata di Bandung. 10 Juli 2017. Diakses tanggal 12 November 2017. Archived 8 Séptémber 2024 di Wayback Machine
- ↑ a b c "Rute dan Lokasi Sanghyang Heuleut". wisatabdg.com. Diakses tanggal 12 November 2017.
- ↑ a b c "Rute dan Lokasi Sanghyang Heuleut Tampat Wisata Alam yang Hits di Bandung". dakatour.com. Diakses tanggal 12 November 2017.