Saté
Saté nyaéta daging anu dikeureutan sagedé-gedé indung leungeun sarta dicolok ku sujén, diasakanana dibeuleum dina luhureun ruhak.[1] Ilaharna saté maké daging saperti daging embé, kelenci, domba, jeung sapi.[1]
Rupa-Rupa Saté
édit- Saté hayam nyaéta kadaharan khas Indonésia.[2] Saté hayam dijieun tina daging hayam.[2] Umumna dimasak ku cara dibeuleum ku areng, maké bumbu kacang atawa bumbu kécap.[2]
- Saté lilit, nyaéta saté bahan dasarna udang, ieu kadaharan téh khas Bali.[3]
- Saté maranggi, nyaéta saté tina daging sapi.[4] Saté maranggi ngandung saeutik kolesterolna.[5]
- Saté gembrung atawa saté jeprét, nyaéta saté tina kulit sapi anu dibeulahan tuluy dikulub, sanggeus kitu ditojoskeun kana nyéré.[6] Ieu kadaharan téh khas Ciamis.[6] Ieu saté katelah ku sebutan colok gembrung, disebut kitu sotéh ku lantaran bahan dasarna tina kulit sapi jadi jiga kulit bedug (gembrung) anu dicolokan jiga saté.[6]
- Sate torpedo, nyaéta saté anu dijieun tina kanjut embé.[2] Saté ieu dipercaya bisa ningkatkeun séksual lalaki.[2]
- Saté penyu, nyaéta saté tina daging penyu.[2] Saté ieu lolobaba di Bali.[2] Saté penyu loba ngandung kolesterol. Ieu kadaharan téh geus rada langka ku sabab sato penyu ayeuna meh punah jadi salah sahiji sato anu dilindungi ku pamaréntah.[2]
- Saté laleur, basa Madura mah di sebut saté lalér, ieu saté téh lain tina daging laleur tapi tina daging embé atawa hayam anu diteukteukan laleutik saperti laleur.[2] Saté ieu aslna ti Pamekasan Madura.[2] Cara ngabeuleumna teu pati lila saperti saté-saté nu laina, bumbuna sarua ilaharna saté nu lain.[2]
- Saté kalong nyaéta kadaharan khas Cirebon.[2] Saté ieu dijieun tina daging munding anu dilemeskeun ku cara di tutu. Rasana amis, hampir sarua jeung dendeng.[2] Disebut Saté Kalong ku lantaran nu dagangna nalika soré nepi ka subuh.[2]
- Saté kerang nyaéta kadaharan khas Surabaya.[2] Saté kerang dijieuna tina daging kerang.[2] Saté ieu béde jeung saté nu umumna di beuleum ieu saté kerang mah di kulub.[2]
- Saté buntel, nyaéta sajenis saté anu dijieuna tina daging embé anu dicincang anu dibungkus ku lemak embé tuluy dibeuleum.[2] Bumbuna nyaéta pedes jeung kécap amis.[2] Ieu kadaharan téh khas Surakarta.[2]
Rujukan
édit- ↑ a b Danadibrata,R.A.(2006).Kamus Basa Sunda.Bandung: Kiblat Buku Utama.
- ↑ a b c d e f g h i j k l m n o p q r s t Asal muasal Sate[tumbu nonaktif] (Dicutat tanggal 21 Oktober 2011)
- ↑ Sate Lilit Bali Archived 2011-10-14 di Wayback Machine (Dicutat tanggal 21 Oktober 2011)
- ↑ Sate Maranggi[tumbu nonaktif] (Dicutat tanggal 21 Oktober 2011)
- ↑ Sate Maranggi Sambal Oncom Archived 2011-10-28 di Wayback Machine (Dicutat tanggal 21 Oktober 2011)
- ↑ a b c Gebrung[tumbu nonaktif] (Dicutat tanggal 21 Oktober 2011)