Semprong (kuéh)
Kuéh semprong nyaéta salah sahiji kuéh has Sunda nu asalna ti wewengkon Karawang.[1] Kuéh semprong bentukna kawas semprong lampu cempor, rasana teu pati amis jeung rangu.[1] Kuéh semprong ilahar salaku jajanan pasar nu loba dipikaresep, ti miiti budak leutik nepi ka kolot.[1] ku sabab bentukna nu teu biasa, kuéh semprong téh babari dibédakeun jeung kuéh séjénna.[1] Kuéh semprong biasa dijual di warung-warung atawa di toko oléh-oléh.[1] Sanajan asalna ti Karawang, tapi semprong bisa kapanggih disababaraha daérah di Jawa Kulon, di antarana saperti di Bandung, Ciamis, Cimahi, jsb.[1]
| Kuéh semprong | |
|---|---|
 Kue semprong wangun pasagi panjang | |
| Ngaran alternatif | Kuéh gapit |
| Tipeu | Kuéh garing |
| Tempat asal | Indonésia |
| Bahan utama | Endog, tipung béas, aci hui, gula, cipati, mantéga, bubuk kai manis, wijén |
 Cookbook:Kuéh semprong  Kuéh semprong | |
Cara nyieun
éditPikeun nyieun kuéh semprong téh, bahan nu diperlukeun kayaning endog, tipung béas, gula bodas, cipati, ki amis bubuk jeung lisah kalapa.[2] Mimitina campurkeun sakabéh bahan, galokeun nepi ka rata.[2] Panaskeun citakan kuéhna, tuluy abuskeun 1-2 séndok adonan kana citakan.[2] Tungguan nepi ka asak, sanggeus asak, kudu langsung dicitak, digulungkeun.[2]
Rujukan
édit- ↑ a b c d e f "Semprong » Perpustakaan Digital Budaya Indonesia". budaya-indonesia.org. Diakses tanggal 2017-10-31.
- ↑ a b c d "Resep Kue semprong khas indonesia oleh Nurlaela". Cookpad (dalam Indonesian). Diakses tanggal 2017-10-31.
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |