Soneta
Sonéta téh nyaéta puisi lirik 14 padalisan anu ditulis dina hiji stansa atawa sapada.[1] Patokan purwakantina anu geus ngabaku dina sastra inggris aya dua rupa, nyaéta (1) sonéta itali; puisi téh diwangun ku dua bagian utama,bagian oktap (oktave), dalapan padalisan, purwakantina a b b a a b b a, bagian séstét, genep padalisan, purwakantina c d e c d e, sakapeung c d c c d c;(2)sonéta inggris;diwngun ku tilu kuatrén jeung kuplét pungkasan, purwakantina a b a b c d c d e f e f g g.[1] Asupna wngun sonéta kana sastra Sunda méh bareng jeung gelarna sajak(bébas), tapi teu produktip.[1]Nurutkeun M.A.Salmun (1963;79) sonéta anu kapanggih dina sastra Sunda diwangun ku dua quatrain anu disebut octavo praemes jeung dua terzine anu disebut sextet conclussie.[1]