Soto Sadang
Soto Sadang nyaéta salah sahiji kadaharan has ti wewengkon Purwakarta, Jawa Kulon.[1] Bukur Soto Sadang téh teu béda jauh jeung Soto Bandung nu ngabédakeunna téh palengkepna, Soto Bandung mah maké lobak sadengkeun Soto Sadang mah henteu.[1] Ngaran Soto Sadang asalna ti ngaran salah sahiji wewengkon nu aya di Purwakarta, nyaéta Sadang.[2] Kadaharan ieu geus lumrah di Purwakarta, kiwari mah geus sumebar ogé ka sababraha wewengkon di Jawa Kulon.[2] Biasana Soto Sadang dijual diwarung-warung sisi jalan di wewengkon Sadang, Purwakarta.[1]
Cara nyieun
éditPikeun nyieun Soto Sadang, aya sawatara bahan nu kudu disiapkeun, kayaning daging sapi nu mengkel, bawang bodas, bawang beureum, pedes, gula bodas, daun salam, jeung tomat.[2] Mimiti mah golakeun cai jeung daging sapi sarta daun salam dina langseng, nepi ka daging hipu jeung ngaluarkeun kaldu.[2] Geus kitu keureutan pasagi leutik kawas dadu, abuskeun deu ka cai kaldu nu tadi, sabari golakeun diseuneu leutik.[2] Tuluy tambahkeun samara nu tadi, kayaning bawang bodas, bawang beureum, pedes, gula bodas sarta tomat.[2] Soto Sadang siap dipidangkeun.[2]
Tinggali ogé
éditRujukan
édit- ↑ a b c "Soto Asli Sadang, Dingin di Luar, Hangat di Dalam | kotapurwakarta.com". kotapurwakarta.com (dalam en-US). Diakses tanggal 2017-11-14. Archived 2017-10-12 di Wayback Machine
- ↑ a b c d e f g "Resep Soto Sadang Purwakarta Asli Enak | resepdanmakanan.com". resepdanmakanan.com (dalam en-US). Diakses tanggal 2017-11-14. Archived 2017-07-17 di Wayback Machine
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |