Sugu

Sugu nyaéta pakakas anu dipaké pikeun ngaratakeun kai sangkan leuwih lemes, hadé katempona, tur masekon. Biasana kai anu kudu disugu heula saperti beunang ngaragaji, kai korodok, séké kai, kandel teuing, sambungan jeung sajabana éta kudu disugu heula saméméh dipaké sangkan leuwih rapih tur seseg.^[1]

Sajarah

Sugu mangrupa hiji pakakas anu geus dipiwanoh rébuan taun katukang. Sugu baheula dijieun tina kai dipolongoan masékon tengah-tengahna paranti nyelapkeun péso/pahat anu dipageuhan ku paseuk nyaéta dipaké pikeun ngaratakeun kai. Déét jeung jerona péso ngerok kana kai gumantung kana jero jeung henteuna mangsa masang péso sugu, ngarobah péso sugu ku jalan di takol lalauna tuluy dipasek deui. Sugu kawas kieu geus kapanggih dina situs anu dikali jeung aya gambaran di woodworking ti Eropa jeung Asia dina abad pertengahan. Pikeun conto sugu anu munggaran dijieun disebutna woodworking kapanggih dina situs galian Pompeii sanajan mangsa harita urang Romawi geus kapanggih di Inggris jeung Jerman, suguna leuwih modérn bahanna dijieun tina parunggu anu mungkus bahan kaina. Ieu kacida pentingna bahan sugu anu tina kai disimbutan maké parunggu tur pamageuh peso mangrupa paseuk tina parunggu. Aya deui sugu anu kapanggih ti Cologne di dieu mah kabéh bagian sugu dijieun tina parunggu henteu maké deui kai.^[2]

Kiwari sugu anu tadina maké tanaga leungeun geus leuwih modérn nyaéta maké tanaga listrik, sahenteuna ieu pamanggih geus dimekarkeun ti mimiti taun 1918 dina mangsa perang dunya ka hiji, pikeun ngurangan tanaga anu garawé di tempat nyieun kapal. Tayalian ti ngarobah wangun jeung cara gawé mesin sugu, ngagunakeun tanaga angin anu muterkeun péso sugu, lelet muterna éta péso bisa nepikeun ka 8000-15000 rpm, ku alatan ieu pamanggih geus bisa ngaronjatkeu hasil pagawéan tapi ogé ngurangan tanaga anu digarawé. ku lantaran saurang pagawé anu maké sugu mesin, hasilna sarua jeung lima belas urangeun pagawé anu maké sugu tanaga leungeun.^[3]

Rupa-rupa sugu anu aya di muséum Mdina Malta
Dua sugu anu maké panyepengan
Gambaran tukang kai keur nyugu
Sugu anu dijieun tina beusi
Sugu leutik
Péso sugu ditempo tiluhur
Rupa-rupa péso sugu
Sugu anu dipaké ku urang Jepang

Tutumbu kaluar

Dicutat tina

↑ Sugu paragi ngaratakeun kai
↑ C. W. Hampton, E. Clifford: "Planecraft", page 9. C. and J. Hampton Ltd. 1959
↑ Planing Ship Timbers with Little Machines, Popular Science monthly, December 1918, page 68, Scanned by Google Books: http://books.google.com/books?id=EikDAAAAMBAJ&pg=PA68

Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.

[1] Sugu paragi ngaratakeun kai

[2] C. W. Hampton, E. Clifford: "Planecraft", page 9. C. and J. Hampton Ltd. 1959

[3] Planing Ship Timbers with Little Machines, Popular Science monthly, December 1918, page 68, Scanned by Google Books: http://books.google.com/books?id=EikDAAAAMBAJ&pg=PA68

[1]

[2]

[3]