Tantowi Yahya
Tantowi Yahya lahir di Palembang, Sumatera Selatan, 29 Oktober 1960 nyaéta saurang pembawa acara télévisi kaceluk sarta ogé ikon musik country di Indonésia.[1] Manéhna nyaéta lanceuk ti Helmy Yahya anu ogé saurang pembawa acara.[1] Saprak leutik, putra pasangan H.M. Yahya Matusin sarta Hj. Komariah Yahya ieu geus miboga cita-cita jadi jelema beken.[1] Pikeun ngawujudkeun éta, Tantowi ogé terus usaha, saprak kelas 2 SMU, Tantowi diajar bari ngajar basa Inggris di tempat manéhna kursus keur kelas 1 SMP.[1]
Lulus SMU taun 1979, Tantowi anu beragama Islam ieu hijrah ka Yogyakarta, kuliah D1 Akademi Perhotelan.[1] Saterusna, Tantowi pindah ka Jakarta.[1] Karier gawéna dimimitian minangka resepsionis di Hotél Borobudur Jakarta dina taun 1982.[1] Taun 1984, manéhna pindah ka Hotél Hilton.[1] Taun 1987, Tantowi pindah ka perusahaan pita kaset BASF.[1] Lantaran usahana anu gedé, Tantowi ngajabat salaku Promotion Manager dina waktu 2 taun (1989).[1]
Tantowi nikah jeung Dewi Handayari sarta dikaruniaan saurang anak sanggeus umur kawin maranéhanana nincak 11 taun.[2] Anak lalaki anu dibéré ngaran Muhammad Adjani Prasanna Yahya ieu lahir dina tanggal 11 April 2001.[2] Manéhna mangrupa anggota ti Skuad Milan Junior Camp Indonésia anu ngajuaraan Turnamen Milan Day Challenge di Italia.[2]
Program telivisi anu kahiji dibawakeun nyaéta kuis Gita Remaja, anu ditayangkeun di TVRI dina taun 1989.[2] Manéhna kaceluk minangka pembawa acara kuis Who Wants To be a Millionaire anu ditayangkeun di RCTI ti taun 1999 nepi ka 2006.[2] Sajaba ti éta manéhna ogé dipikawanoh minangka penyanyi country Indonésia.[2] Manéhna kungsi narima pangajén minangka penyanyi country & Balada Pangalusna vérsi AMI-SHARP Awards 2001.[2] Kiwari Tamtowi mandu acara musik country di Metrotv sarta memimpim komunitas pecinta musik country sakumna Indonésia, ICMC.[2] Dina widang presenter acara kuis, Tantowi geus pohara boga pangalaman.[2] Ku kituna teu heran lamun dina ajang Panasonic Awards ka-12 anu dilaksanakeun dina 27 Maret 2009, manéhna junun jadi Presenter Kuis/Game Show Favorit pilihan pemirsa.[2] Waktu Pemilu 2009, dina tanggal 9 April 2009 Tantowi maju minangka calon legislatif ti partéi Golkar wewengkon Kabupatén Ogan Komering Ilir (OKI), Sumatra Selatan (Sumsel).[2] Dina itungan samentara, Tantowi aya di runtuyan pangluhurna.[2] Tantowi ogé junun jadi salah sahiji artis anu pamustunganana melenggang ka Senayan minangka wawakil rahayat.[2]
Referensi édit
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |