Tari Umbul
Tari Umbul nyaéta tarian anu asalna ti Désa Situraja, Kacamatan Situraja, Kabupatén Sumedang. Dumasar carita anu dituturkeun ku tokoh tari umbul, Darmansyah, kasenian ieu mimitina aya di Dusun Parugpug kira-kira taun 1940-an, sumping ti wewengkon Indramayu ka Sumedang. Dina pagelaranana, anu ngaribing salian ti mawa lalaguan "Umbul atawa adem ayem" ogé ngaribing silih gantian. Samentara anu naronton salian nyaksikeun kaéndahan tarian, ogé ngincer dibéré tanda karémbong (saléndang), kopéah, jeung sarung. Pamentasan tari umbul mimitina dilakukeun sacara nguriling ti kampung ka kampung anu teu maké panggung, mung dina kamekaranana ditampilkeun deui dina panggung. Pagelaran dilaksanakeun ku gending bubuka (tabuhan pambuka), tuluy anu ngaribing arasup ngabentuk ngajajar bari lempeng, bari ngabawakeun lagu silih gentian.[1]
Tari umbul ngabogaan nilai jeung makna salaku kedalna rasa babarengan antarjalma dina ngawujudkeun kaharmonisan rasa babarengan, jeung kakompakan dina gotong royong, nepi ka napel sipat silih asih ka papada manusa. Mimitina pagelaran tari umbul pikeun seni patunjukan anu ngabentuk hélatan (arak-arakan) anu dilakukeun di jalan di wewengkon Sumedang, ayeuna mah tari umbul téh atos mekar. Tari umbul kiwari ngagaduhan kagunaan henteu ngan saukur disajikeun di acara nikahan, sunatan, nyambut tamu, féstival, jeung hiburan acara nasional, tapi tos jadi tarian babarengan dina tungtung pagelaran. Sangkan tarian langkung dinamis, variatif, jeung menarik, dimekarkeun koréografi, karawitan, jeung tata busanana.[1]
Rujukan
édit- ↑ a b Penetapan Warisan Budaya Takbenda Indonesia Tahun 2018 (PDF). Jakarta: Direktorat Warisan dan Diplomasi Budaya, Direktorat Jenderal Kebudayaan, Kementerian Pendidikan dan Kebudayaan. 2018. p. 149.