Umang

Umang
	Umang di Taman Nasional Corcovado, Kosta Rika
Klasifikasi ilmiah
Karajaan:	Animalia
Filum:	Artropoda
Subfilum:	Crustacea
Kelas:	Malacostraca
Ordo:	Decapoda
Subordo:	Pleocyemata
Infraordo:	Anomura
Superfamili:	Paguroidea; Latreille, 1802
Famili
	Coenobitidae; Diogenidae; Lithodidae; Paguridae; Parapaguridae; Pylochelidae; Pylojacquesidae;

Umang, disebut ogé kumang mangrupa Dékapoda crustacea ti superfamili Paguroidéa, béda ti keuyeup dina infraordo Brachyura. lolobana umang ngeusian cangkang pikeun ngajaga abdoménna nu leuleus. Nu geus kanyahoan aya kana 500 spésiés di sakuliah dunya; najan lolobana akuatik, aya ogé sababaraha spésiés darat.

Umang laut nu ilahar dipiara

Aya sababaraha spésiés umang nu ilahar aya di pasar akuarium laut. Mangpaat spésiés omnivora atawa hérbivora ieu nyaéta pikeun ngahakanan gang-gang jeung pasésaan lianna.

Umang Karang Beureum (Red Reef hermit crab, Paguristes cadenati), mangrupa spésiés nu payu di pasar, ku sabab lucu: awakna beureum caang, lebah panonna konéng, sarta ukuranana tetep leutik (kira 2–5 cm). Nu leuwih leutik di antarana umang sébra (sukuna coklat polét bodas), umang tip-beureum, jeung umang suku-bulao. Nu ilahar dikukut di AS mah umang Karibia (Coenobita clypeatus) jeung umang Pasipik (Coenobita compressus), sedengkeun di Éropa mah umang biasa (Pagurus bernhardus). Najan lolobana mah nu didagangkeun téh umang leutik, aya ogé nu bisa tumuwuh nepi ka badag (nu ti basisir pasipik mah bisa nepi ka 30 cm) sarta sok ngahakanan batu karang jeung sato lianna.

Umang biasana paling cocog hirup dina salinitas antara 1,023 jeung 1,025, sarta suhu antara 4-14°C (spésiés sedeng) nepi ka 24-27 °C (spésiés tropis), katut gang-gang sarta rupa-rupa 'imah' sangkan umangna bisa milih nu cocog.

Umur

Umur hirup umang rupa-rupa pisan. Mun nu dikandangan, umurna dua nepi ka lima taun, tapi mun dipiara bener-bener mah bisa nepi ka likuran taun atawa leuwih. Kungsi ogé kabéjakeun aya umang nu umurna nepi ka 70 taunan, tapi ieu mah ukur kasus husus.

Baca ogé

Rujukan

Hermit crab, Wikipédia édisi basa Inggris (23 Maret 2006)
Harvey A. & Brodie R., (2001). "Development of the terrestrial hermit crab, Coenobita compressus, in the laboratory". Journal of Crustacean Biology, 21:715-732.
ITIS Standard Report Page: Paguroidea Archived 2006-03-23 di Wayback Machine

Tumbu kaluar

All Things Crabby Hermit Crab Blog.
Hermit Crab Care Guide Archived 2010-03-09 di Wayback Machine
Crab Street Journal Archived 2006-02-08 di Wayback Machine.
CrabbyTalk - Hermit Crab Care and Pictures Archived 2006-03-28 di Wayback Machine.
Epicurean Hermit.
Hermie Der Einsiedlerkrebs.
Hermit Crab Addiction Archived 2006-04-02 di Wayback Machine.
Hermit Crab Association.com.
Hermit Crab Association Archived 2007-06-07 di Wayback Machine.
Hermit-Crabs.com.
Hermit Crabs R us Archived 2006-04-02 di Wayback Machine
Landhermitcrabs.com.
Land Hermit Crabs.net.
The Land Hermit Crab Owners Society.
Naturally Crabby.