Wi-Fi
Wi-Fi nyaéta wanchan tina Wireless Fidelity anu mangrupa kumpulan standar anu digunakeun pikeun jaringan Lokal Nirkabel (Wireless Local Area Networks – WLAN) anu miboga dasar spésifikasi IEE 802.11[1]. Wi-Fi mimitina dipaké keur ngagunakeun sistem nirkabel jeung jaringan Area Lokal (LAN), tapi kiwari leuwih loba digunakeun pikeun aksés internét. Wi-Fi mangrupa salah sahiji mangpaat tina téhnologi komunikasi jeung informasi anu miboga pancén dina jaringan jeung pakakas WLAN (wireless local area network). Wi-Fi mangrupa sértifikasi ngaran dagang anu dibéré ti pabrik ka pakakas komunikasi (internet) anu dijalankeun di jaringan WLAN jeung geus minuhan kualitas kapasitas interoperasi anu jadi sarat[1].
Sajarah édit
Di taun 1985, Wireless LAN atawa Wi-Fi dijieun jeung dipaké pikeun umum di Amérika Sérikat[2], teu make lisénsi ti Komisi Komunikasi Federal (FCC)[2]. Ieu wi-fi mangrupa produk anu dijieun ngaliwatan gawé rancagé ti insinyur Amérika Serikat anu ngagunakeun téhnologi dina nyebarkeun spéktrum radio anu digunakeun dina Wi-Fi[2]. Saméméhna, sawangan ngeunaan téhnologi Wireless LAN jeung téhnologi radio pikeun publik geus didadarkeun ku Michael Marcus taun 1980[2].
Téhnologi Wi-Fi tuluy dimekarkeun ku para panalungtik téhnologi di Amérika Serikat anu gawé di Institute of Electrical and Electronic Engineers (IEEE) dumasar standar téhnis pakakas nomor 802.11b, 802. 11a, jeung 802.16[2]. Wi-Fi teu ngan saukur bisa dijalankeun dina jaringan Wireless LAN, tapi bisa digunakeun dina Wireless Metropolitas Area Network[2].
Cara Gawé édit
Téhnologi Wi-Fi bisa dijalankeun ngagunakeun gelombang radio dina Wireless LAN tina komputer[3]. Router nirkabel miboga fungsi pikeun ngajalankeun sistem Wi-Fi[3]. Ieu adaptor narima data tina komputer dina wangun digital[3]. Sanggeus data dikonvérsi ka wangun gelombang radio, tuluy dikirim ngaliwatan router ka anteneu, sinyal decode router tuluy ngirimkeun ka internet[3]. Ieu prosés dibalikeun deui nalika informasi anu dikirimkeun ti internét ka komputer[3]. Bédana gelombang radio anu dikirimkeun Wi-Fi, walkie-talkie, jeung handphone nyaéta ngagunakeun frékuénsi anu kuat ti 2,4 GHz atawa 5 GHz[3].
Fungsi édit
Lian dipaké pikeun internet, Wi-Fi ogé miboga sababaraha fungsi di antarana:
- Bisa digunakeun pikeun ngirimkeun dokumén[4]. Nalika rék ngirimkeun data tina handphone ka komputer biasana dibutuhkeun kabel data salaku pakakas médiana. Padahal, ku cara ngagunakeun Wi-Fi ogé geus bisa ngirimkeun dokumén, ngaliwatan aplikasi tambahan kawas xender atawa share-it[4].
- Wi-Fi bisa digunakeun jadi modem. Ngagunakeun fitur tethering dina handphone, Wi-Fi bisa digunakeun pikeun babagi internét ku Wi-Fi[4].
- Ngahubungkeun kaméra jeung handphone[4]. Wi-Fi bisa digunakeun salaku pakakas anu ngahubungkeun média kaméra ka handphone[4]. Ku kituna, hasil foto bisa langsung ditampikeun dina komputer[4].
- Wi-Fi bisa digunakeun pikeun ngahubungkeun printer jeung handphone[4].
- Wi-Fi bisa digunakeun pikeun ngajadikeun handphone[4] jadi mouse atawa keyboard[4].
- Wi-Fi bisa digunakeun salaku panghubung layar handphone kana komputer[4].
- Wi-Fi bisa digunakeun pikeun ngahubungkeun jeung pakakas-pakakas séjén[4].
Kahéngkéran édit
Aya sababaraha kahéngkéran tina Wi-Fi, di antarana:
- Jaringan kurang stabil. Distribusi gelombang kadang teu stabil jeung gampang kaganggu ku hadirna pakakas éléktronik anu séjén. Hususna nalika pakakas éléktronikna digunakeun sacara babarengan[3].
- Jaringan jadi kabagi-bagi. Pakakas digunakeun dina sawaktu, ku kituna konéksi jaringanana jadi laun. Mingkin loba anu kahubung ka jaringan, mingkin laun konéksina[3].
- Kaamanan kurang kajaga. Gelombang tina Wi-Fi teu bisa dibatasan, sarta ieu gelombang bisa ku gampangna diasupan ku oknum anu teu tanggungwaler. Ieu hal bakal mingkin parna nalika ngagunakeun konéksi Wi-Fi di tempat umum[3].
Daftar Référénsi édit
- ↑ a b Kho, Dickson. "Pengertian WIFI dan Cara Kerja WIFI". Teknik Elektronika (dalam en-US). Diakses tanggal 2021-04-27.
- ↑ a b c d e f Digital, Colony. "Sejarah dan Perkembangan Wifi". wificolony. Diakses tanggal 2021-04-27.
- ↑ a b c d e f g h i Erick. "Pengertian Wifi Beserta Fungsi dan Cara Kerja Wifi yang Perlu Kita Ketahui". Nesabamedia (dalam id-ID). Diakses tanggal 2021-04-27.
- ↑ a b c d e f g h i j k Komputer, Sarjana. "Pengertian Wifi : Fungsi, Manfaat, Cara Kerja, Kelebihan dan Kekurangan". Jagad.id (dalam en-US). Diakses tanggal 2021-04-27.