Wikipedia:Wilujeng sumping

Wilujeng sumping di Wikipédia!

Wikipédia téh énsiklopédi nu disusun réréongan ku nu maracana. Lokana mangrupa wiki, nu hartina anjeun, atawa sing saha waé, bisa ngédit ampir sakabéh artikel ayeuna kénéh ku cara ngaklik tumbu édit nu aya dina punclut unggal kaca. Mangga lenyepan pangwanohna atawa tutorialna. Di handap ogé didadarkeun sakilat ngeunaan sababaraha hal.

Nyungsi Wikipédia

Wikipédia ngandung informasi nu kalintang lobana dina sagala widang/subjék. Kanggo ningalan, mangga sumping ka Tepas, pilari subjek nu kira-kirana dipikaresep/narik, salajengna mah wilujeng ngalanglang baé. Tiasa ogé nganggo kotak pilari luhureun unggal kaca.

Mun anjeun manggih (maca maksud téh) artikel nu dipikaresep, dihaturan pisan kanggo masihan catetan atawa koméntar na kaca omongan artikel éta. Mimiti, pilih kaitan Sawalakeun kaca ieu (téang di beulah kéncaeun kaca) sangkan nepi ka kaca omong, teras pilih Édit kaca ieu na kaca omongan. Kacida bungahna mun kami meunang eupan pangrojong ti sadaya.

Mun aya nu teu kawengku, atawa anjeun manggih kasusah ngeunaan nu keur ditéang, mangga taroskeun di méja rujukan, atawa tambahkeun jejerna kana artikel pamundut.

Ngédit

Sing saha baé bisa ngédit eusi kaca Wikipédia (kaasup kaca ieu!). Mun sakirana aya nu perlu diropéa, klik baé kaitan Édit kaca ieu di luhureun atawa handapeun kacana. Anjeun teu perlu jadi anggota; asup log gé teu perlu malah mah.

Salah sahiji cara nu gampang pikeun ngamimitian ngilu aub ngabantuan, nya ku ngamangpaatkeun Wikipédia sakumaha anjeun ngagunakeun énsiklopédi. Ngan, mun anjeun manggih masalah—salah tulis, sugan, atawa kalimah nu teu merenah—klik "Edit kaca ieu", sok benerkeun. Sing wijak dina ngoréksi kaca téh; mun anjeun boga kereteg pikeun ngalengkepan hiji kaca, sok pigawé. Ulah sieun nyieun kasalahan; mun anjeun geus nyieun kasalahan, saterusna anjeun, atawa sing saha baé nu séjén, salawasna bisa ngabenerkeun deui éta kasalahan. Paur ogé nya kadengena? Tempo jawaban pikeun sababaraha kaabotan pikeun katerangan naha sistim ieu masih bisa jalan. Sanajan Wikipédia geus boga artikel cukup loba (nu Basa Inggris loba téh, da nu basa Sunda mah kakara 61.816), Wikipédia mayeng nambahan artikel anyar nu ditulis ku jalma-jalma kawas anjeun. Anjeun bisa muka artikel anyar, atawa néang artikel nu geus aya terus nambahkeun hiji bagéan anyar di jerona. Mun anjeun ngarasa hariwang "ngaruksak" hiji artikel, cobaan heula na kotrétan, di mana anjeun bisa nuliskeun naon baé nu hayang ditulis.

Kawijakan

Di dieu geus boga sababaraha kawijakan jeung tungtunan nu meureun anjeun hayang nempoan. Garis badagna mah, kawijakan jihat nu nétral dimaksudkeun sangkan artikel-artikel nu dijieun kudu nyingkahan bias, jeung kudu simpatik tur saimbang mun ditilik ti unggal sisi. Sagala kontribusi ka Wikipédia dikaluarkeun dina panangtayungan Lisénsi Dokumén Bébas GNU (GNU Free Documentation License, GFDL), nu mastikeun yén Wikipédia bakal jeung bisa salawasna dibagikeun kalawan haratis (tempo Wikipédia:Hak cipta sangkan leuwih écés).

Wilujeng sukan-sukan!

Badé ngiringan?

Sing saha waé bisa ngédit, tapi aya kauntungan mun anjeun nyieun rekening dina hayangna ilubiung kalawan mayeng. Mun rék miluan, mangga jieun rekening teras nepangkeun anjeun ka komunitas di Log pamaké anyar.

Tempo ogé

Di handap ieu sababaraha tumbu ka émbaran panganteur:

Émbaran umum, tungtunan, jeung pitulung

• Ngeunaan ieu proyék
• Kaca pitulung - pitulung keur ngédit, ngamimitian artikel anyar, jeung jejer nu séjénna.
• NLD - nu loba ditanyakeun ngeunaan loka ieu.
• Glosarium - glosarium rupa-rupa istilah.
• Kawijakan jeung tungtunan keur kontributor
• (en)Manual of Style

TataWiki

Tutorial

• Étikét Wiki
• Nétralitas
• Aturan nulis jeung kontrak
• Faux pas avoidance

Pamundut Leuwih Jero

• Sipilitas
• Kontribusi
• Tiori NPOV

Komunitas Wikipédia

• Nepangan
• Wikipédiawan - béréndélan kontributor régular; bisi rék ngasupkeun ngaran anjeun, dihaturan pisan.