Xilometazolin
 |
Artikel ieu keur dikeureuyeuh, punten tong waka diédit atawa dirobah eusina. |
 |
Artikel ieu masihan informasi dasar dina bidang kesehatan. Informasi dina artikel ieu ngan meunang digunakeun kanggo informasi ilmiah, teu bisa ngaganti diagnosis medis. Perhatosan: Wikipédia lain dokter, sagala informasi anu aya dina ieu énsiklopédi dumasar rujukan anu aya. Saupama anjeun aya keluhan, konsultasikeun jeung tenaga kaséhatan langsung |
| |
Xilometazolin
| |
| Ngaran sistimatik (IUPAC) | |
| 2-[(4-tert-butyl-2,6-dimethylphenyl)methyl]- 4,5-dihydro-1H-imidazole | |
| Identifiers | |
| Nomer CAS | |
| Sandi ATC | R01 S01 |
| PubChem | |
| DrugBank | |
| ChemSpider | |
| Data kimia | |
| Rumus | C16H24N2 |
| Mass. mol. | 244.37516 g/mol |
| SMILES | & |
| Data farmakokinetik | |
| Bioavailabilitas | - |
| Metabolisme | - |
| Waktu paruh | >10 detik |
| Eksresi | Urin |
| Therapeutic considerations | |
| Kat. kehamilan |
C |
| Legal status |
OTC |
| Dependence Liability | Moderate |
| Jalur | intranasal (disemprot atawa dikeclakeun) |
Xilometazolin nyaéta bahan aktif nu aya dina ubar semprot irung nu dipaké pikeun ngungkulan irung nu mangpet. Xilometazoline mangrupa ubar dina bentuk semprot atawa tétés pikeun irung nu dipaké pikeun ngungkulan paradangan jeung irung nu mangpet. Ubar ieu kaasup jinis ubar dekongestan nasal nu gawé ku cara ngiket reseptor nu sarua saperti adrénalin. Bahan nu aya dina ubar ieu ngiket reseptor adrégénik pikeun nga aktifkeun sistem adrénal nu nyababkeun vasokontriksi sistemik nu tuluy bakal ngurangan panyumbatan dina selaput lendir irung.[1][2][3]
Kagunaan
éditXylometazoline miboga kagunaan keur ngubaran irung nu mangpet nu disababkeun kusababaraha hal diantarana flu, sinusitis, panas, jeung alérgi.[2][4] Ubar ieu gawé kucara nyempitkeun pembuluh darah di daérah irung, ngurangan bareuh sarta mangpet. Bagéan ieu ngandung pamakéan ubar nu teu katulis dina labél pamakéan, tapi bisa waé dokter ngaresépkeun ieu ubar pikeun kasakit ieu, ku kituna kudu dibarengan ku resép dokter. Salian ti éta, bisa ogé dipaké pikeun ngubaran ceuli nu mangpet, sarta ngurangan bareuh di bagéan irung saacan prosedur oprasi atawa tindakan lianna. Bisa ogé dipaké pikeun ngubaran mata bareuh nu diakibatkeun ku inféksi konjungtiva.[2]
Ulah maké ieu ubar mun kondisi pasén:
- Alérgi: ubar ieu teu dianjurkeun dipaké [ikeun pasén nu miboga riwayat pamakéan xilometazoline atawa bahan-bahan nu kakandung di jerona.
Cara maké
éditPaké ubar ieu saluyu jeung nu diarahkeun ku dokter. Kaluarkeun napas tina irung sacara lalaunan saacan maké ubar ieu. Paké ramo anjeun pikeun nutupan liang irung séjénna nu teu diubaran, sirah tegepkeun, simpen tungtung semprotan di liang irung nu geus dibuka, tuluy semprotkeun ubar ieu ka jero irung sabari ngarénghap ngaliwatan irung. Seuseup tarik sababaraha kali keur mastikeun ubar ieu nepi ka jero irung. Lakukeun cara nu sarua pikeun liang irung séjénna mun diperlukeun.
Ingkahan nyemprotkeun ka bagéan panon, atawa ka bagéan tengah irung (septum irung). Kumbah ujung semprotan ku cai panas atawa lap maké tisu nu bersih sanggeus dipaké. Pastikeun cai teu abus ka jero wadah. Ganti tutupna sanggeus dipake.
Ubar ieu ngan méré bantuan nu samentara, tong dipaké mineng teuing, ulah maké semprotan loba teuing, atawa maké ubar ieu leuwih lila ti batas waktu nu geus ditegeskeun ku dokter kusabab bisa ningkatkeun éfék samping. Salian ti éta ulah dipaké leuwih ti tilu poé atawa bisa nyababkeun kondisi nu disebut rebound congestion. Gejala rebound congestion nyaéta bareuh di jero irung, beureum janngka panjang, sarta paningkatan pilek. Mun ieu hal kajadian, eureunkeun pamakéan sarta konsultasikeun ka dokter.[5]
Cara gawé
éditXilometazoline kaasup ubar jinis simpatomimetik nu gawé sacara langsung jeung aktipitas alpha-adregenik. Ubar ieu gawé salaku vasokonstriktor nu ngurangan bareuh jeung panyumbatan dina saluran selaput lendir irung. Sanggeus dipaké, ubar ieu langsung gawé dina waktu 5-10 menit sarta lumangsung salila 10 jam.
Xilometazolin dipaké salaku garam hidroklorida pikeun ngungkulan irung nu mangpet. Ubar ieu dipaké salaku dekongestan pikeun pangobatan otitis media (radang ceuli tengah) akut jeung kronik. Pamakéan intranasal (saluran administrasi ubar) nyababkeun panyempitan pembuluh darah nu ngaleugaan di mukosa irung, ngurangan aliran darah ka jaringan edema nu ngagedéan. ëfék ieu nyababkeun drainase kana sinus, ngurangan irung mangpet, sarta ningkatkeun ventilasi irung. Hal ieu éféktif pikeun mula salurann irung nu tuluy ngababarikeun irung pikeun narik jeung miceun napas.[2]
Ngaran jeung idéntifikasi
édit- Nama IUPAC : 2-[(4-tert-butyl-2,6-dimethylphenyl)methyl]-4,5-dihydro-1H-imidazole[6]
- Nama InChl : InChI=1S/C16H24N2/c1-11-8-13(16(3,4)5)9-12(2)14(11)10-15-17-6-7-18-15/h8-9H,6-7,10H2,1-5H3,(H,17,18)[6]
- InChl Key : HUCJFAOMUPXHDK-UHFFFAOYSA-N[6]
- Canonical SMILES : CC1=CC(=CC(=C1CC2=NCCN2)C)C(C)(C)C[6]
- Rumus Molekul : C16H24N2[6]
- Nomor CAS : 526-36-3[6]
- Nomor EC (European Community : 208-390-6[6]
Ngaran lian
éditIeu dhandap saharti atawa sinonim tina xilometazolin: [7]
- Ba 11391
- Ba-11391
- BRN 0180542
- EINECS 208-390-6
- Otriven
- Otrivin
- Otrivine
- Otrix
- UNII-WPY40FTH8K
- Xilometazolina
- Xylometazolina
- Xylometazolinum
- Xylomethazoline
Éfék Samping
éditRasa panas nu samentara, nyengat, garing di irung, pilek, sarta bersin, hésé rénghap, bareuh jeung ateul dina biwir, beungeut, létah, atawa tikoro, mun karasa éfék ieu gera tepungan dokter.[8]
Xilometazolin miboga résiko nu leutik mun diaplikasikeun jeung diserep irung. Masingkeun kitu, mun ubar ieu kaserep ku aliran getih bisa nimbulkeun éfék samping nu kudu diwaspadaan.[3]
Eureunkeun pamakéan ubar ieu sarta konsultasikeun ka dokter mun karasa gejala:
- Titinggalian teu jelas
- Nyeri sirah, lieur
- Ngaratug jantung
- Lieur sarta leuleus
- Hésé rénghap
Intéraksi ximetazolin
éditUbar séjén
éditIeu di handap sababaraha interaksi ubar xilometazolin jeung ubar séjén:
Alkohol
éditSababarah ubar teu bisa dipaké dina wanci ngadahar kadaharan nu tangtu sarta teu meunang ngonsumsi alkohol atawa bako mun keur nginum ieu ubar.[8]
Kondisi kaséhatan
éditAyana masalah kaséhatan séjén di awak urang nu bisa mangaruhan pamakeán ieu ubar, konsultasikeun kadokter mun ngalaman kaayaan kayaning:[8]
- Garing di irung
- tekanan darah tinggi
- takikardia (denyut jantung gancang)
- masalah kahampangan tina ngagedéanna prostat. Bisa nyieun kondisi leuwih parah.
Tutumbu kaluar
éditRujukan
édit- ↑ "Xylometazoline". www.drugbank.ca. Diakses tanggal 2020-05-30.
- ↑ a b c d e "Xylometazoline - Uses, Dosage, Side Effects, Price, Composition | Practo". www.practo.com. Diakses tanggal 2020-06-01.
- ↑ a b "Xylometazoline nasal Side Effects: Common, Severe, Long Term". Drugs.com. Diakses tanggal 2020-06-01.
- ↑ Ghelani, Rita. "Otrivine adult nasal spray (xylometazoline)". Netdoctor (dalam en-GB). Diakses tanggal 2020-06-01.[tumbu nonaktif]
- ↑ "Oxymetazoline : Fungsi, Dosis, Efek Samping, Cara Pakai". Hello Sehat (dalam id-ID). Diakses tanggal 2020-06-01.
- ↑ a b c d e f g PubChem. "Xylometazoline". pubchem.ncbi.nlm.nih.gov. Diakses tanggal 2020-06-01.
- ↑ "Drug Information Portal - Mobile - U.S. National Library of Medicine - Drug Search Results". druginfo.nlm.nih.gov. Diakses tanggal 2020-06-01.
- ↑ a b c "Oxymetazoline : Fungsi, Dosis, Efek Samping, Cara Pakai". Hello Sehat (dalam id-ID). Diakses tanggal 2020-06-01.
- ↑ "Dihydroergotamine and xylometazoline nasal Drug Interactions". Drugs.com. Diakses tanggal 2020-06-10.
- ↑ "Ergonovine and xylometazoline nasal Drug Interactions". Drugs.com. Diakses tanggal 2020-06-10.
- ↑ "Ergotamine and xylometazoline nasal Drug Interactions". Drugs.com. Diakses tanggal 2020-06-10.
- ↑ "Iobenguane I 131 and xylometazoline nasal Drug Interactions". Drugs.com. Diakses tanggal 2020-06-10.