Angelique Widjaja
Angelique Widjaja nénéhna Angie nyaéta salah sahiji pamaén ténis professional nu asalna ti Indonesia.[1] Lahir di Bandung, Jawa Barat tanggal 12 Désémber 1984.[1] Bungsu ti lima sadudulur pasangan Rico Widjaja jeung Hanita Erwin.[1]
Angie mimiti wanoh kana dunya ténis ti umur 4,5 taun nalika dumuk di Bandung kénéh.[1] Tuluy latihan ténis di Sekolah Tenis FIKS Bandung.[1] Umur 12 taun geus mindeng jadi pinunjul sarta dina umur na nu ka-14 geus ngawakilan Indonésia dina turnamén Internasional.[1] Taun 2001 Angie meunangkeun jawara Wimbledon Junior bulan Juli ngéléhkeun Dinara Safina ti Russia sarta jadi pinunjul Wismilak International di Bali bulan Séptember.[2] Taun 2002 meunangkeun dua gelar deui nyaéta Australia Terbuka ganda junior bareng jeung Gisela Dulko sarta meunangkeun pinunjul Perancis Terbuka ngéléhkeun Ashley Harkleroad ti USA.[2] Nalika di kelas junior, Angie saentragan jeung Maria Sharapova (juara tunggal puteri Australia open junior 2002) jeung Svetlana Kuznetsova (juara US open junior 2001).[2] Salian ti éta, Angie ogé ngagabung di Tim Fed Cup Indonesia taun 2001, 2003, 2006 jeung Olimpiade 2004 di Athena.[2]
Dina Olimpiade 2004 di Athena, Angie ngéléhkeun Tamarine Tanasugarn di puteran kahiji kompetisi single tapi éléh dina puteran kadua ku Karolia Sprem.[1] Taun 2005 Angie absén tina dunya ténis professional alatan sawatara cidra.[1] Taun 2007, Angie meunangkeun medali perak di Sea Games di Thailand.[1] Taun 2008 dina umur nu ka-23 Angie jeung Liza Andriyani meunangkeun kompetisi ganda turnamén ITF Jakarta nu jadi turnamén pamungkasna.[1]
Referensi
édit
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |