Bacang (kadaharan)
Bacang nyaéta kadaharan sabangsa leupeut, dijieunna tina béas beunang ngagigihan, biasana mah maké jeroan mangrupa daging jeung sayuran, dibungkus ku daun awi atawa daun hanjuang.[2] Kiwari aya bacang nu eusina supa, rebon, témpé, jsb. Aya ogé nu ditambahan eusina ku endog asin kokonéngna.[3] Ari samarana ngagunakeun uyah, gula, pedes, kécap, jeung minyak nabati. Ogé dina mungkusna téh ngagunakeun daun hanjuang jeung awi tali minangka tali panyangreudna.[3] Daun hanjuang nu dipilih biasana mah nu panjang tur rubak, tuluy éta daun téh dileumpeuh heula. Bacang dibungkusanna dibentuk congcot nu handapna juru tilu (limas).[3]
 A bunch of rice dumplings tied together with twine | |
| Ngaran alternatif | bakcang, bacang, zang, nom asom, Pya Htote, "Joong", "Doong" |
| Tempat asal | Tiongkok |
| Wewengkon atawa nagara | Wewengkon panyatur Tionghoa |
| Bahan utama | Sajenis leupeut nu aya eusian anu dibungkus ku daun awi or daun hanjuang |
| Variasi | Chimaki, Lo mai gai |
 Cookbook:  Bacang (kadaharan) | |
| Zongzi | |||||||||||||
|---|---|---|---|---|---|---|---|---|---|---|---|---|---|
| Hanzi: | 粽子 | ||||||||||||
| |||||||||||||
| Ngaran Cantonis | |||||||||||||
| Hanzi: | 糉 | ||||||||||||
| |||||||||||||
Kadaharan urang Tionghoa édit
Bacang téh saenyana lain kadaharan asli ti Sunda. Dina basa Indonésia sok disebut bakcang (Hanzi: 肉粽, hanyu pinyin: rouzong) nu sabenerna ieu kadaharan téh asalna ti Tiongkok, di bawa ku masarakat Tionghoa ka Nusantara.[4] Istilah 'bakcang' sorangan asalna ti dialék Hokkian nu guyub dicaturkeun di antara urang Tionghoa di Indonésia.[4]
Numutkeun légénda, ieu bacang mimitia bijil di jaman Dinasti Zhou patali jeung rasa simpati rahayat ka Qu Yuan nu maéhan manéh ku cara ngajleng ka walungan Miluo.[4] Harita, bacang dialungkeun ku rahayat sabudeureun ka éta walungan téh cenah pikeun ngalihkeun perhatian mahluk-mahluk saniskaran nu aya di jero walungan, sangkan teu ngahakan mayit Qu Yuan.[4] Satuluyna mah bacang téh jadi salah sahiji simbul parayaan Peh Cun atawa Duanwu.[4]
Bacang secara harfiah mibanda harti "bak" nyaéta daging jeung "cang" nyaéta eusi daging.[4] Jadi harti bacang téh eusi daging, ngan dina prak-prakkanna mah lian ti eusi daging aya ogé nu eusina sayuran atawa euweuh eusian-eusian acan.[4]
Rujukan édit
- ↑ Cantodict, 粽 (zung2 zung3 | zong4) : glutinous rice dumpling
- ↑ "Ngaran Kadaharan Urang Sunda : SMA & SMK Almarwah". almarwah.sch.id (dalam id-ID). Diakses tanggal 2017-11-03. Archived 2017-11-10 di Wayback Machine
- ↑ a b c "Desain Kemasan Bacang Kekinian" (dalam bahasa en-US). Creating World Class ENTREPRENEURS. 2017-06-20. https://www.uc.ac.id/desain-kemasan-bacang-kekinian/. Diakses pada 2017-11-03
- ↑ a b c d e f g "Festival Peh Cun" (dalam bahasa en-US). Xue Zheng Dao. 2012-02-17. http://www.xuezhengdao.com/1679/festival-peh-cun/. Diakses pada 2017-11-03[tumbu nonaktif]