Bika ambon
Bika ambon nyaéta salah sahiji jinis kuéh baseuh has ti Medan, Sumatera Utara.[1] Kuéh ieu miboga ciri has nyaéta warnana konéng jeung miboga rongga-rongga dibagian jero kuéhna.[1] Salian ti éta, kuéh bika ambon gé miboga citarasa jeung seungit nu has.[1] Di kota Medan, kuéh bika ambon téh geus katelah jadi salah sahiji oléh-oléh has Medan.[1] ku sabab éta, mun ka Medan sok pada muru Bika Ambon keur oléh-oléh minangka na mah.[1]
Sajarah bika ambon
éditLoba nu masih kénéh nganggep yén Bika Ambon téh asalna ti Ambon, Maluku ku sabab ngaranna, padahal mah kuéh ieu téh has ti kota Medan.[1] Numutkeun sababaraha sumber, aya sababaraha rupa sajarah ngaran Bika Ambon téh, salah sahijina, numutkeun M Muhar Omtato, salah saurang budayawan jeung sajarawan ngajelaskeun yén Bika Ambon téh awalna mah kailhaman ti kuéh has Melayu nyaéta bika atawa disebut ogé bingka.[1][2] Kuéh éta tuluy diropéa ku cara ditambahan maké bahan pangbeukah mangrupa lahang, nepi ka bagian jero kuéhna ngabogaan rongga jeung rasana ogé tangtu béda jeung kuéh bika has Melayu.[1]
Kuéh ieu disebut Bika Ambon ku sabab mimiti dijualna téh di daérah simpang Jl. Ambon - Sei Kera, Medan.[1] ku sabab lobana nu kairut, kuéh ieu mimiti dipikawanoh ku ngaran Bika Ambon, sarua jung ngaran jalan tempat kuéh éta dijual.[1][2] Nepi ka kiwari, Bika Ambon téh jadi salah sahiji kuéh has ti Medan nu pada mikaresep.[1]
Cara nyieun bika ambon
éditBahan nu dibutuhkeun pikeun nyieun kuéh Bika Ambon téh di antarana nyaéta tipung, endog, lahang, gula, jeung cipati, sadengkeun jang bahan palengkepna bisa maké daun pandan, daun jeruk atawa vanilli.[1][2] Dina cara nyieunna, mimiti golakkeun cipati jeung daun pandan, sanggeus ngagolak, jait tuluy tiiskeun.[1] Geus cipati tiis, kari asupkeun bahan séjénna kayaning tipung, gula jeung nira.[1] Bahan éta kudu dikocék nepi ka rata, tuluy antepkeun salila sababaraha jam nepi ka namper.[1] Tuluy adonan éta diasupkeun kana ovén, seuneuna ulah gedé, tungguan nepi ka kuéhna asak.[1]
Tempat jualan bika ambon
éditKuéh Bika Ambon ieu biasana dijual ditempat oléh-oléh has Medan, salah sahjina di Jalan Majapahit.[1] di dinya sadia mangrupa-rupa rasa kuéh Bika Ambon, saperti pandan, coklat, keju, jsb. Sanajan teu maké bahan pangawét, kuéh Bika Ambon awét nepi ka 3-4 poé.[1]
-
Bika Ambon beunang ngeureut -
Bika Ambon leutik
Rujukan
édit
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |
- ↑ a b c d e f g h i j k l m n o p q r "Bika Ambon Makanan Khas Medan, Sumatera Utara". www.negerikuindonesia.com. Diakses tanggal 2017-10-17. Archived 2017-10-10 di Wayback Machine
- ↑ a b c "Bika Ambon, Kuliner Medan yang Manis dan Gurih". Bobo.Grid.ID. http://bobo.grid.id/Sejarah-Dan-Budaya/Budaya/Bika-Ambon-Kuliner-Medan-Yang-Manis-Dan-Gurih. Diakses pada 2017-10-17 Archived 2017-09-21 di Wayback Machine