Cingambul, Majalengka

Cingambul
Kacamatan
Peta lokasi Kacamatan Cingambul
Nagara	Indonésia
Propinsi	Jawa Kulon
Kabupatén	Majalengka
Lega	37,03 kilométer pasagi
Pangeusi	35.987 (2015)
Kapadetan	972 jiwa/km² (2015)
Kode Kemendagri	32.10.23
Désa/kalurahan	13

Cingambul nyaéta hiji kacamatan di Kabupatén Majalengka, Propinsi Jawa Kulon, Indonésia.

Sacara géografis Kacamatan Cingambul aya di tenggara Kabupatén Majalengka nyaéta antara 108⁰17’ - 108⁰24’ Bujur Wétan sareta 6⁰57’ - 7⁰03’ Lintang Kidul, kalayan batas-batas wilayahna:

• Beulah Kidul, wawatesan jeung Kabupatén Ciamis
• Beulah Kulon, wawatesan jeung Kacamatan Bantarujeg
• Beulah Kalér, wawatesan jeung Kacamatan Talaga
• Beulah Wétan, wawatesan jeung Kacamatan Cikijing

Lega wilayah Kacamatan Cingambul nyaéta 37,03 Km², nu hartina Kacamatan Cingambul ngan ukur kira-kira 3,07 % tina lega wilayah Kabupatén Majalengka (nyaéta kurang leuwih 1.204,24 Km²) sarta luhurna lokasi kantor kapala désa antara 470 – 778 m di luhu beungeut laut.

Jarak ti ibukota Désa/Kalurahan ka ibukota Kacamatan kira-kira antara 0,3 – 7 Km, Désa Sedaraja mangrupa wewengkon nu mibanda jarak pangjauhna ti ibukota Kacamatan. Sedengkeun jarak ti ibukota Kacamatan Cingambul ka Ibukota Kabupatén Majalengka kira-kira 33 Km. Kacamatan Cingambul ngawengku 13 désa, di antarana:

1. Sedaraja
2. Cintaasih
3. Cidadap
4. Maniis
5. Rawa
6. Nagarakembang
7. Wangkelang
8. Cimanggunggirang
9. Ciranjeng
10. Cingambul
11. Muktisari
12. Cikondang
13. Kondangmekar

Jumlah penduduk Kacamatan Cingambul dina taun 2015 dumasar hasil Proyéksi Penduduk BPS nyaéta 35.987 jiwa ngawengku 18.090 jiwa lalaki sarta 17.897 jiwa awéwé kalayan babandingan sex ratio 101,08 sarta laju pertumbuhan gedéna 0,49% per taun. Jumlah rumah tangga lobana 10.064 kalayan rata-rata anggota rumah tangga lobana 4 urang. Rata-rata kapadetan penduduk Kacamatan Cingambul dina taaun 2015 nyaéta 972 jiwa/km², kapadetan penduduk nu pangbadagna nyaéta Désa Cingambul kalayan kapadatan 1.945 jiwa/Km² sarta kapadetan pangsaeutikna nyaéta Désa Kondangmekar kalayan kapadetan 368 Jiwa/Km².

Pikeun tutuwuhan paré sawah dina taaun 2015 lega tanahna 3.585 Ha kalayan lega panén 3.259 Ha sarta produksi 21.236 ton (GKP). Salian paré sawah di Kacamatan Cingambul ogé ngahasilkeun palawija di antarana jagong kalayan produksi 997 ton, kacang tanah 11 ton, sampeu 2.284 ton sarta boléd 1.004 ton. Pikeun lalaban nu jadi andelan nyaéta suung kalayan produksi ngahontal 57.253 ton. Sedengkeun pikeun komoditi buah-buahan produksi panglobana nyaéta kadu kalayan produksi kira-kira 1.065,50 ton, dituturkeun ku alpukat kalayan produksi kira-kira 722,90 ton. Dina subséktor paternakan polpulasi ternak pangbadagna nyaéta domba lobana 37.224 siki. Sedengkeun pikeun ungags populasi hayam padaging ngahontal 37.224 siki sarta hayam buras lobana 24.271 siki. [1]