Buka ménu utama

Dédi Gumelar

palawak jeung pamaén filem Indonésia

Tubagus Dédi Gumelar (gumelar di Leuwidamar, Lebak, 27 April 1958) nyaéta palawak nu sok dipikawanoh salaku Mi'ing dina grup lawak Bagito. Mi'ing nu tamatan STM ieu geus mikaresep widang seni ti mimiti sakola di SLTP. Mi'ing jeung adina, Tubagus Zaénal Abidin (leuwih dipikawanoh salaku Didin), ngamimitian manggung jang ngalawak. Sanggeus tamat STM, Mi'ing pernah jadi pagawé di Tegal, salajengna diteruskeun di Pémda DKI Jakarta nepi ka mimiti taun 1980. Mung, kahayang jang ngalawak teu pareum kitu waé. Maranéhna nyieun grup lawak di tanggal 28 Oktober 1978, ngan can bisa berhasil. Maranèhna nguatkeun grup lawakna ku cara nambahan personil nu ngarana Unang. Taun 1985, nalika ngadaptarkeun grupna jang miluan pasanggiri lawak Jakarta, Mi'ing kabingungan ku sabab grup lawakna can boga ngaran. Kris Biantoro nu kabeneran jadi panata calagara pasanggiri éta méré saran, "Geus ngaranan wé Bagito, nu artina rejeki dibagi rata". Kukita dina pasanggiri éta Bagito nu jadi juarana. Ku kituna, "Bagito" karék kasohor sanggeus siaran ngaliwatan radio swasta Suara Kejayaan. Nalika éta ogé Mi'ing miluan magang dina grup lawak senior nu keur jaya, nyaéta grup Warkop Prambors nu ngarana jadi Warkop DKI (Dono, Kasino, Indro). ku kituna grup "Bagito" dipikawanoh ku balaréa, dina taun 1988 pernah ngalakonan tilu filem, nyaéta Bayar Tapi Nyicil (1988), Barang Titipan (1989), jeung Tiga Dalam Satu (1992). Filem-filem éta teu payu di pasaran, ku sabab dina filem loba diatur, pangabisa Mi'ing jeung babaturana teu bisa maksimal. Maranéhna bisa leuwih berhasil nalika tampil dina télévisi dinu acara Ba-sho jeung dina taun 1999 suksés di acara Gebyar BCA di Indosiar. Nalika umur 17 taun, terbit buku ngeunaan grup Mi'ing: Bagito: Tiga Pengusaha Tawa (1995). Nalika ulang taun ka-21, 28 Oktober 1999, Bagito ngayakeun seminar nu ngabahas lawak dina sagala pandangan.[1]

Dédi Suwendi Gumelar
GumelarDedi Suwendi Gumelar
27 April 1958 (1958-04-27) (yuswa 61)
Indonésia Lebak, Banten, Indonésia
PagawéanPamaén filem, palawak, politikus
Partéy pulitikPartai Amanat Nasional (PAN)
PasanganDiah Mulyasari
Murangkalih2

RujukanÉdit

  1. Rosidi, Ajip, 1938-; Pustaka Jaya (Firm) (2000). Ensiklopedi Sunda : alam, manusia, dan budaya, termasuk budaya Cirebon dan Betawi (Cet. 1 ed.). [Jakarta]: Pustaka Jaya. ISBN 9794192597. OCLC 45463431.