Hélem
Hélem téh nyaéta kalengkepan keur numpak sapédah motor anu wajib dipaké keur kaamanan pribadi jeung katartiban patali marga.[1] Undang Undang No 22 taun 2009 ngeunaan Lalu Lintas jeung Angkutan Jalan (LLAJ), hususna pasal 57 ayat 2 negeskeun yén unggal nu naék motor wajib maké hélem anu luyu jeung standar nasional Indonesia.[1] Anu ngarempak kana éta aturan bakal meunang sangsi panjara maksimal sabulan atawa didengda maksimal Rp 250.000,00.[1] Ieu aturan miboga tujuan sangkan ngajaga nu naék motor tina kacilakaan.[1] Jaman ayeuna hélem téh bagian tina téknologi perang nyaéta pikeun ngalengkepan baju harnas atawa baju beusi.[2] Peran pentingna keur nutupan sirah sangkan jauh tina sanjata-sanjata musuh.[2] Ari jaman baheula mah hélem téh sabangsa eurih nu dipaké di nagri Walanda anu dihaja dipelak di basisir pikeun nyingkahan rurudna basisir ka laut.[3]
Sajarah édit
Sajarah hélém dimimitian ti jaman Romawi kuno.[4] Baheula hélem anu dipaké ku prajurit Romawi téh keur nutupan sirah tina senjata musuh saperti pedang.[4] Lumangsungna kamekaran hélem nepi ka jaman Romawi klasik, abad patengahan nepi ka akhir abad ka 17 ti Eropa nepi ka Jepang.[4] Dina taun 1670, nu ména hélem mimiti nurun, ku sabab dianggap teu éféktip.[4] Ieu anggapan téh patali jeung geus lobana nu maraké sanjata saperti péstol lantaran hélem geus teu dianggap bisa nutupan sirah nu kualitas bahanna teu luyu jeung sanjata perangna.[4] Nepi ka ahirna dina abad ka-18, para infantri euwueh deui anu maké hélem.[4] Dina jaman Napoleon, helém mimiti dipaké deui ku para prajurit kavaleri.[4] Pungsi hélem keur nutupan sirah téh katempo deui waktu perang dunia kahiji.[4] Korban jadi ngurangan alatan bom, ku sabab bahan jeung kualitas hélem geus béda ti jaman Romawi.[4] Hélem kabuktian bisa nguranagan korban jiwa. Jadi ti mimiti perang dunia kadua nepi ka ayeuna hélem mangrupa pakakas anu wajib keur nutupan sirah para prajurit.[4] Sajalan jeung kamekaran waktu jeung téknologi, hélem téh terus mekar nepi ka wangunna rupa-rupa.[4] Ditilik tina sisi aktipitasna hélem lain dibutuhkeun keur perang tapi dipaké ngalaksanakeun aktipitas-aktipitas sipil saperti olahraga, pertambangan, naék motor atawa kagiatan anu ngandung résiko lainna.[4] Ari ditilik tina bahan, wangun, téknologi jeung modélna, hélem ogé terus barobah.[4] Ayeuna mah hélem téh dijieun tina bahan anu loba pariasina salain beusi nyaéta metal, aya deui bahan anu teuas saperti kevlar, serat resin, nepi ka plastik anu kuat.[4]
Mangpaat édit
Galéri édit
-
Jousting hélem c. 1498,Albrecht Dürer -
-
-
-
hélem Hockey Goalie
Rujukan édit
- ↑ a b c d MANFAAT HELM[tumbu nonaktif] (Dicutat tanggal 6 Oktober 2011)
- ↑ a b Sejarah Hlem Archived 2011-02-11 di Wayback Machine (Dicutat tanggal 5 November 2011)
- ↑ Danadibrata,R.A.(2006).Kamus Basa Sunda.Bandung: Kiblat Buku Utama.
- ↑ a b c d e f g h i j k l m n Sejarah Helm[tumbu nonaktif] (Dicutat tanggal 18 November 2011)
- ↑ a b c Manfaat Lain Helm Standar (SNI) Archived 2011-11-12 di Wayback Machine (Dicutat tanggal 6 Oktober 2011)