Wikipédia

Héndarso

Héndarso nénéhna Darso, gumelar di Bandung, Jawa Kulon, 12 Agustus 1945 – tilar dunya di Bandung, Jawa Kulon, 12 Séptémber 2011 dina umur 66 taun. [1] Salila leuwih ti 45 taun, Hendarso satia midangkeun calung, musik tina awi,anu saterusna dihijikeun jeung dangdut atawa pop.[1] Masarakat ngalandi anjeunna téh Michael Darso Si Raja Pop Sunda, milah rupa ti raja pop dunya Michael Jackson.[1] Sarakanana di lembur Cirateun, Lembang, Kabupaten Bandung Barat. Kurang leuwih 300 judul dina salila hirupna, Darso geus nyieun lagu wanda calung atawa pop Sunda [1] Albumna téh aya anu direkam di studio, aya ogé anu dirékam basa keur anjeunna nyanyi di panggung.[1]

Héndarso
Kang Darso
Gumelar12 Agustus 1945
Jepang Bandung, Jawa Kulon, Mangsa Pangawasaan Jepang
Tilar dunya12 Séptémber 2011 (yuswa 66)
Ngaran landianKang Darso
PagawéanTukang ngawih
PasanganÉpong Annisa (Alm)
Lina Marlina

Lalampahan karir

édit

Darso ngamimitian karirna tina pamaén bas dina grup musik Nada Karya jeung Nada Kencana.[2]. kungsi milu jeung Band anu dipiboga ku Puseur Persenjataan Kavaleri Bandung.[2] Anjeunna pernah ngarandeg saheulaanan nyieun karya, lantaran kakeunaan perkara G 30 S/PKI.[2] Dina taun 1968, anjeunna mitembeyan deui karirna bareng jeung lanceukna Uko Hendarso. Midangkeun musik kalayan instrumén utama "calung" kalawan salah sahiji lagu anu kawentarna nyaéta ''Kiamat''.[2]

Ku arahan S. Hidayat Darso diajak minton di Radio Républik Indonésia babarengan jeung grup Baskara Saba Désa.[2]. Teu sawatara lila Asmara Record ngarékam pidangan Darso kana pita kaset.[2] Sawatara lagu anu kaceluk nyaéta "Kembang Ujung", "Cangkurileung", sarta "Panineungan".[2] Dina taun 90-an ngaran Darso beuki kawentar sanggeus TVRI mindeng mintonkeunana.[2] Darso ogé ngamimitian maké parabot musik séjéna kawas tarompét sarta organ rupa musik anu pernah dipidangkeun sajaba pop Sunda ogé dangdut.[2] Hariringna anu kaceluk dina mangsa harita nepi ka kiwari nyaéta "Randa Geulis", "Maribaya", "Dina Amparan Sajadah", jeung "Kabogoh Jauh".[2]

Pangajén

édit

Dina taun 2005 manéhna meunang pangajén ti Gubernur Jabar Danny Setiawan mangrupa Kasinugrahan Musik Jabar 2005 sarta dina taun 2009 manéhna meunang ogé pangajén ti Walikota Bandung Dada rosada mangrupa Kasinugrahan Budaya Dayeuh Bandung 2009.[2]

Tilar dunya

édit

Darso maot poé Senén, tanggal 12 Séptember 2011, jam 15.00 WIB, di Rumah Sakit Soreang, Kabupatén Bandung.[1]. Mun diwincik tina mintonkeun seni Sunda, Darso téh kaasup salah sahiji inohong musik pop sunda.[1] Loba hasil karyana, disaluyukeun keur ngahirupkeun musik Sunda.[1] Pangabisana ngahijikeun musik Sunda pituin (Sunda) jeung Musik Pop jadi kakuatan nepi ka masarakat méré pangajén minangka Legenda Pop Sunda.[1] Teu dipikanyaho sacara pasti ngeunaan cukang lantaran maotna mah.[1]

Rujukan

édit
  1. ↑ a b c d e f g h i j (id)Darso Meninggal Dunia Archived 2011-10-27 di Wayback Machine (diaksés tanggal 03 Oktober 2011)
  2. ↑ a b c d e f g h i j k (id)Darso Si Raja Pop Sunda Archived 2011-10-28 di Wayback Machine (diaksés tanggal 03 Oktober 2011)
  Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.
Dicomot ti "https://su.wikipedia.org/w/index.php?title=Héndarso&oldid=653581"