Taraté: Béda antarrépisi

'''Taraté''' (''Nymphaea'') nyaéta ngaran genus pikeun tutuwuhan cai ti suku [[Nymphaeaceae]]. Dina [[basa Inggris]] dipikawanoh minangka ''water-lily'' atawa ''waterlily''.<ref name=“Astuti”/> Di Indonésia, Taraté ogé dipaké pikeun nyebutkeun tutuwuhan ti genus ''[[Nelumbo]]'' (Lotus).<ref name=“Astuti”/> Dina jaman baheula, jelema memang mindeng nyampur-adukkeun antara tutuwuhan genus Nelumbo kawas [[saroja]] jeung genus ''Nymphaea'' (taraté). Dina tutuwuhan genus Nelumbo, kembangna aya jauh di luhureun beungeut cai, daun ngawangun bunderan sarta akarna ilahar didahar.<ref name=“Astuti”>{{Cite book | title =Ensiklopedia Tanaman Hias| first =Astuti| last =Astuti, Agung Sugiarto| publisher =Agromedia| location =Jakarta| year =2007| pages =130|ISBN=9789790061422|url=https://books.google.co.id/books?id=jRxIhs4Naz0C&pg=RA1-PT39&dq=teratai&hl=id&sa=X&ved=0ahUKEwir0OaimNLnAhUk4jgGHQgHCWwQ6AEIVDAG#v=onepage&q=teratai&f=false|accessdate=14 Februari 2020}}</ref>

Taraté tumuwuh di beungeut cai anu tenang. Kembang sarta daunna aya dina beungeut cai, kaluar tina gagang anu asalna tina [[akar]] anu aya dina jero [[leutak]] dina dadampar balong, walungan atawa ranca.<ref name=“Astuti”/> Gagangna aya dina tengah-tengah daun. [[daun]] ngawangun bunderan atawa oval anu rubak. Beungeut daun henteu ngandung lapisan [[lilin]] antukna cai anu murag kana beungeut daun henteu nyieun buldeudan cai.<ref name=“Astuti”/>

Kembangna aya dina gagang anu mangrupa pamanjangan tina akar. Garis tengah kembang antara 5–10&nbsp;cm.<ref name=“Setiawan”/>

Taraté diwangun ku kira-kira 50 spésiés anu sumebar ti wewengkon tropis nepi ka wewengkon subtropis di sakuliah dunya.<ref name=“Astuti”/> Taraté anu tumuwuh di wewengkon [[tropis]] asalna ti [[Mesir]].<ref name=“Setiawan”/>

Taraté jadi pepelakan di kebon-kebon alatan kembangna anu éndah. Palukis [[Perancis]] nu ngaranna [[Claude Monet]] kawéntar ku lukisan kembang taraté. Kembang saroja mangrupa kembang anu ilahar aya di karaton minangka lambang kasucian.<ref name=“Astuti”/>

Dina jaman Mesir kuno, taraté réa tumuwuh di sisi walungan [[Nil]]. [[Nymphaea caerulea]] sarta [[Nymphaea lotus]] nyaéta dua spésiés anu asalna ti Mesir. Kembang [[Nymphaea caerulea]] ngan boga umur sapoé, mekar dina waktu isuk-isuk sarta tikerelep kana handapeun cai dina wanci soré. Kembang [[Nymphaea lotus]] mekar dina wanci peuting sarta kucup dina wanci isuk-isuk. Titilar ti dua rupa kembang taraté asli Mesir kapanggih di astana [[Ramses II]].<ref name=“Astuti”/>