Jotang leutik
| Jotang leutik | |
|---|---|
| |
| Jotang kecil, Acmella uliginosa Sindangbarang, Bogor | |
| Klasifikasi ilmiah | |
| Karajaan: | |
| (unranked): | |
| (unranked): | |
| (unranked): | |
| Ordo: | |
| Kulawarga: | |
| Génus: | |
| Spésiés: | A. uliginosa
|
| Ngaran binomial | |
| Acmella uliginosa (Sw.) Cass.
| |
| Sinonim | |
|
Spilanthes uliginosa Sw. | |
Jotang leutik (Acmella uliginosa) nyaéta hiji tutuwuhan anu asalna asalna tina kulawarga Asteraceae. Kasebut tutuwuhan terna tina marga acmella lianna, kembang jeung daun jotang leutik dimangpaatkeun pikeun ubar nyeri huntu. Dipiwanoh ogé ngaranna jotang atawa jocong leutik[1]. Dina basa Inggris disebutna : Marsh Para Cress[2].
Ciri mandiri
éditKagolongkeun tutuwuhan terna sausum, tangkalna nangtung ka luhur sakapeung ogé aya anu nguyupuk tina palebah puhu tangkalna, jangkung nepika 1 m. Tangkalna buleud, baruluan. Daun-daun bijil pasingareup-singareup, cupat daunna 2 cm. Lambaran daun wujudna lonyod, jarang katempo buleud endog, 1–10 × 0,5–6 cm.[1][3]
kembang majemuk bijil dina pendulna anu kawas aseupan nangkub, bijil sa gagang sakapeung aya dua, ajeg bijil tina tungtung /(terminal), konéng, gagangna panjang nepika 12 cm, semu nyiku, baruluan kalawan mingkin kandel ka palebah tungtung. Bongkol mimitina pendék, lalaunan manjangan dibarengan ku kembangna anu ligar, nepika ukuranna 5–6 × 7–11 mm. Daun pamungkusna 5–7, dina sakuriling, 2–3,5 mm. Kembang ditungtungna biasana 5, kelirna konéng walirang, panjangna 2–2,5 mm. Kembang cakramna loba, padet pajejel-jejel 1,3–1,5 mm, tajuna-4 ya ogé 5. Buah teuas (achene) lonyod, 1–1,5 mm, katempo kawas 2 jarum pondok di tungtungna.[3]
Ékologi jeung sebaranna
édit
Tutuwuhan ieu kagolongkeun kana gulma mikaresep daérah jemlek jeung baseuh, sanajan kitu bisa waé hirup dina taneuh anu garing. Di persawahan, sisi susukan, kebon anu jemlék taneuhna, tegalan berawa-rawa. Kapanggih hirup nepi ka daérah tonggoh anu perenahna dina 3.100 mdpl.[3]
Jotang leutik ditaksir pituin ti Brasil jeung Karibia[4]. Kiwari kapanggih hirup di sakuliah Nusantara, kajaba di Papua[3]. Sanajan kagolongkeun kana Gulma Tapi henteu pati hésé dirabut.
Guna jeung mangpaatna
éditJotang leutik remen dikonsumsi mangrupa lalaban anu dipikaresep di daérah Jawa Kulon, bisa di atah atawa dikulub heula. [1]. Kawas baraya deukeutna, jotang (A. paniculata), pendul kembang jeung daunna mibanda rasa lada/haneut bisa dimangpaatkeun pikeun ngubaran barusuh dina biwir jeung nyeri huntu.[5]
Dicutat tina
édit- ↑ a b c Steenis, CGGJ van. 1981. Flora, untuk sekolah di Indonesia. PT Pradnya Paramita, Jakarta. Hal. 427
- ↑ Flowers of India: Acmella uliginosa, Marsh Para Cress
- ↑ a b c d Soerjani, M., AJGH Kostermans dan G. Tjitrosoepomo (Eds.). 1987. Weeds of Rice in Indonesia. Balai Pustaka, Jakarta. p. 102–103 (illust.)
- ↑ Biotrop: Invasive Alien Species[tumbu nonaktif]
- ↑ Heyne, K. 1987. Tumbuhan Berguna Indonesia, jil. 3:1837 (sebagai Spilanthes Acmella Murr.). Terj. Yayasan Sarana Wana Jaya, Jakarta
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |
Tutumbu ka luar
édit
- ITIS: Acmella uliginosa (Sw.) Cass.
- USDA PLANTS Profile: Acmella uliginosa (Sw.) Cass.
- PIER: Acmella uliginosa (Sw.) Cass. Archived 2022-07-03 di Wayback Machine
- Linnean Herbarium: foto herbarium