Buka ménu utama

Kabupatén Lampung Kalér nyaéta salah sahiji kabupatén di Provinsi Lampung, Indonésia. Kungsi jadi kabupatén nu panglegana di Provinsi Lampung nu ngawengku Kabupatén Lampung Utara, Kabupatén Way Kanan, Kabupatén Lampung Barat (nu mekar jadi Kabupaten Pesisir Barat), jeung Kabupatén Tulang Bawang.

Sajarah

Na mangsa awal-awal kamerdikaan, dumasar kana UU RI Nomer 1 Taun 1945, Lampung Kalér aya dina wilayah administratif di Karesidénan Lampung nu kabagi kana sababaraha, kacamatan jeung marga. Pamaréntahan marga dipupus ku Peraturan Résidén 3 Désémber 1952 Nomer 153/1952 diganti ku “Negeri” nu dibarengan hak otonomi sagemlengna nu ambahanana aya di handap kacamatan. Sabab sababaraha kacamatan dimekarkeun, jadi weh hiji “Negeri” aya dina sababaraha kacamatan, antukna dina pancén pamarentahan sok pareng pagedrug. Ahirna mah status pamaréntahan negeri jeung kawadanaan gé dipupus ku UU RI Nomer 18 Taun 1965.

Dumasar kana UU RI Nomer 4 (Darurat) Taun 1965, ogé UU RI Nomer 28 1965, ngeunaan Pembentukan Daérah Otonom Kabupatén-kabupatén dalam Lingkungan Sumatra Selatan, mangka wedal Kabupatén Lampung Kalér di handap Provinsi Sumatra Kidul. Dumasar kana UU RI Nomer 14 Taun 1964 nu ngistrénkeun Provinsi Lampung, otomatis Kabuten Lampung Kalér asup ka Provinsi Lampung