Kasét nyaéta wadah plastik kalawan pita magétik anu bisa muter tina hiji gelendong ka gelendong anu séjén.[1] Asalna ti basa Perancis, nyaéta cassette anu hartina “kotak leutik”.[2] Ti taun 1970 nepi ka 1990-an, kaset mangrupa salah sahiji format média anu pangumumna dipaké dina industri musik.[2]

kasét
bagian jero kasét tip

Kaset diwangun ti kumparan-kumparan leutik.[2] Kasét mimiti diwanohkeun ku Phillips dina taun 1963 di Éropa sarta taun 1964 di Amérika Sarikat, kalayan ngaran Compact Cassette.[2] Saterusna kasét beuki populér di industri musik salila taun 1970-an sarta lila ka lilaan jadi maké Piringan Hideung.[2] Produksi badag kasét dimimitian dina taun 1964 di Hanover, Jerman.[2] Mimitina, kualitas sora dina kasét ieu henteu alus teuing pikeun musik.[2] Komo sawatara modél mimiti henteu mibanda rarancang mesin anu alus.[2] Dina taun 1971, The Advant Corporation ngawanohkeun modél panganyarnana, Modél 201, anu ngagabungkeun Dolby tipe B nu ngurangan gangguan kalayan pita kromium dioksida.[2] Ku alatan éta kasét mimitian bisa dipaké dina industri musik sacara serius, sarta dimimitian mangsa kasét nu boga kualitas luhur.[2]

Salila taun 1980-an, popularitas kasét tumuwuh beuki hadé alatan aya rekorder poket portabel pikeun muterna kawas Sony’s Walkman.[2] Kawas Radio anu nyadiakeun musik dina taun 1960-an, CD portable dina taun 1990-an, sarta MP3 player dina 2000-an,kasét nyekel peran badag dina dunya musik dina taun 1980-an sarta 1990-an,nepi ka ayeuna kaset masih jadi salah sahiji alternatif média musik.[2] Ucul ti sagi téknikna, ayana kasét ogé méré dampak dina parobahan sosial.[2] Awétna kasét sarta gampangnana pikeun diturutan nu ngajadikeun di balik ngembangna musik punk sarta rock.[2] Kasét jadi hiburan pikeun generasi ngora di kabudayaan kulon.[2] Pikeun ékol anu sarua ogé kasét ngembang pesat di nagara-nagara anu keur ngembang saperti Indonésia.[2] Dina taun 1970-an, kasét dianggap mawa pangaruh goréng sekularisme di golongan masarakat religius India.[2] Téknologi kasét nyiptakeun pasar anu membludak pikeun musik pop di India, ngabalukarkeun kritik ti kaum konservatif sarta di wayah anu sarua nyiptakeun pasar badag anu melegitimasi pausahaan-pausahaan rékaman sarta pabajoan kasét.[2]

Rujukan édit

  1. (id)Definisi Kaset[tumbu nonaktif] (diaksés tanggal 4 Desember 2011)
  2. a b c d e f g h i j k l m n o p q r (id)Sejarah dan Asal-Usul Penemuan kaset[tumbu nonaktif] (diaksés tanggal 4 Desember 2011)