Kawah Kamojang
Kawah Kamojang perenahna di wilayah Kabupatén Garut, sabelah timur-kidul Kota Bandung, tapel wates Majalaya-Kabupatén Garut.[1] kira-kira 25 km ti Kota Garut jeung ti Bandung mah kira-kira 35 km.[1] Kawah kamojang aya dina ketinggian 1000m di luhur permukaan laut.[2]
Gambaran
éditDi lokasi Kawah Kamojang dijadikeun Pembangkit Listrik Tenaga Panas Bumi anu dikelola ku PT. Pertamina dan PT. Indonésia Power, di mana di lokasi kasebut jadi nu munggaran énérgi panas bumi dimangpaatkeun ti masa kolonial Walanda.[1] Di kawah kamojang aya fumarol, kawah lumpur, danau panas, jeung haseup anu aya dina rekahan taneuh.[3] Di kawasan wisata ieu loba kawah anu masih kénéh aktip ngaluarkeun panas bumi.[1] Ngaran-ngaran kawah kamojang nyaéta :
- kawah karéta api, Di ieu kawah aya liang anu ngaluarkeun sorana mirip sora karéta api atawa mirip sora jét.[1] Kawah Karéta Api mangrupa kawah anu paling narik ati ku sabab uap gas anu kaluar baheulana sarua éndahna jeung Kawah Putih di Ciwidey.[1]
- kawah manuk, Gas panas anu anu kaluar bisa ngapungkeun barang anu aya disaluhureun ta kawah. Dingaranan Kawah Manuk ku sabab aya sababaraha liang anu ngaluarkeun sora saperti sora manuk.[1]
- kawah bérécék,
- kawah sekarat,
- kawah hujan, ieu kawah bisa jadi tempat mandi sauna.[1] Aya mitos yén lamun mandi di éta kawah bakal cageur tina sarupaning panyakit saperti stroke, jantung, influenza, payakit kulit, jeung rématik.[1] kawah hujan ngaluarkeun uap cai jeung gas sulfur anu ngagempul tina sela-sela batu vulkanik.[3]
- kawah stik gas.[2]
Di bagian tukang kawah aya guha. Anu baheulana guha éta mangrupa panto ka kerajaan Demak.
catetan
édit- ↑ a b c d e f g h i Kawah Kamojang dan sekitarnya anu waas Archived 2011-10-04 di Wayback Machine (Dicutat tanggal 31 Oktober 2011)
- ↑ a b Kawah Kamojang Archived 2011-10-11 di Wayback Machine (Dicutat tanggal 31 Oktober 2011)
- ↑ a b Kawah-Kawah Unik di Kawah Kamojang Archived 2012-03-18 di Wayback Machine (Dicutat tanggal 31 Oktober 2011)